「無極戰士」胸有成竹

2021-06-09 00:00
  巴度今季成績優異,並憑「福逸」攻下主席短途獎。事實上,巴度騎功不俗,而他有一個特點,就是神勇的話,當日或當晚會殺得性起,相反無表現就全日靜晒,正如剛戰就係例證,在出策嫡系馬「機緣巧俠」時未有推騎,好大機會有手尾跟。
  第一場第五班二二〇〇米:「無極戰士」過往係肥仔嘜,仲要出腳又高又笨,筆者對其一直都無好印象。直至四二二場此駒之表現開始眼前一亮,落到五班第一次出戰,首次取得獎金跑第四。翌仗「無極戰士」慢閘加走外疊可當無跑過,好彩之後又有佳作,一連三仗有獎金,名次順序五、三、三,最吸引無一次路程相同,甚至場地都不一樣,擺明不斷測試,幕後未有出擊決心。
  「無極戰士」上仗被捧到四倍,係票數最勁一次,諗住可以成為郭能的接風馬,無奈際遇太差,沿路被頂出三疊望空,難得仍輸近已有交代。「無極戰士」有無氣量跑二千二唔知,不過六月二十日有場千六唔跑,偏偏要揀大長途,估計姚本輝一定胸有成竹。
  第五場第三班一〇〇〇米:「天火同人」初出沿路三疊都第四,再出排十一檔形勢更差,既走外疊又無遮擋,依然補中並拋甩對手,再睇亞軍「無限商機」之後贏馬,確認該仗水準好高。跟手兩戰「天火同人」一次排七檔一次十一檔,繼續被頂出外疊,相對依然躋身前列,仲要次次孭重磅,四班又點會留得住!
  「天火同人」上仗終於抽到內檔,輕鬆補中唔意外,時間甚至提升至五十六秒七四,比起首次贏馬快足四線,季尾三班水準好低,升班出戰毫無阻力,且質新馬孭輕磅更好,篤定連捷。
  

最新回應

相關新聞

「美麗日子」神采奕奕

2021-01-28 00:00:00

知道必勝狀態托弗

2021-03-15 00:00:00

北極光步活如輪

2021-01-23 00:00:00

對衡之星及鋒而試

2021-06-04 00:00:00

熱門文章