星島日報

「資本家」志在必得

2021-04-21 00:00
  隨着蔡、方攻勢回落,一班中下游馬房趁機作出反擊,其中希斯攻勢特別凌厲,踏入四月五戰次次有馬贏。事實上,之前已講過希廄新馬普遍進度轉好,更重要希斯重新適應香港練馬模式,估計季尾攻勢將會浪接浪,下季甚至能成為爭冠人馬。
  第五場第四班一六五〇米:「皇寶」乃英國馬,生得大大隻可以肯定是偏向慢熱,相對跑了數仗已見上力,近三仗能力拼入前四名,反映能力極高。大前仗出戰田草千六,「皇寶」能拍住之後兩捷的「幸運精選」同到,該席殿軍貨真價實。接戰「皇寶」改攻谷草,大嚿飯應付細場無問題,結果表現持續見好,力拼得亞,僅不敵大熟大勇「雙節棍」,而壓倒之後持續神勇的「愛馬劍」。
  上仗「皇寶」被捧到廿一蚊只跑第四,的確是令人失望,然而首次快放且放得唔慢,第三段更締廿四秒五四無回氣位,頂到第四已算是有交代。看此駒大把進步空間,目前四十八分有着數,尤其落在今晚弱組快馬又唔多,有賺無蝕!
  第八場第三班一二〇〇米:「資本家」一直在從化受訓,三課大閘表現未見吸引,奇怪的是首戰用莫雷拉,強配果然有計,後上強勁殺入亞席,最吸引是去到彎中愈退愈後,之後竟交出一段衝勢。「資本家」之後再出有好表現並唔意外,甚至變陣唔留搶放,在放得唔慢下輕取「鴻運飛鷹」,而後駒再出亦即補中。
  上仗「資本家」應可取得更好成績,可惜「加州凱歌」唔放過佢,鬥放鬥搶,頭兩段締超快時間四十六秒一九當然埋唔到尾,計馬在三班必具優勢,吸取上仗教訓,今次應唔會再亡命搶放,發揮亦有保證,話咁快加埋眼罩,志在必得。
  

最新回應

相關新聞

知道必勝狀態托弗

2021-03-15 00:00:00

綠色有運狀態大勇

2021-04-13 00:00:00

「宜春輝煌」形勢大好

2021-02-10 00:00:00

三生好運弗到漏油

2021-02-01 00:00:00

熱門文章