星島日報

玩斗財星持續態勇

2021-04-18 00:00
  賽事在下周三上演,昨朝周六出跳參戰馬自然少之又少,只得九匹而已,主要來自文和容廄。現將所見報道如下:
  「玩斗財星」戴頭罩由助手跳一段,推騎快開神態生猛,過了終點後繼續衝刺,顯得意猶未盡,火氣未減半分,馬身壯得很,持續態勇,早前終告打開處子之身,上仗檔差一樣跑得好,確認踏上最佳時候。
  「獎金王者」戴頭罩由助手跳兩段,外觀已做得唔錯,馬身實淨有線條美,毛色亦悅目,不過勁度仍未夠,出腳唔夠爽,拖吓拖吓,半推半就之下完成,慢熱馬進度徘徊不前。
  「皆大開心」戴頭罩由助手跳一段,扣住順走不過不失,落腳始終有點論盡,尤其前腳開得唔闊,且神態平淡力度平常,多跑下進步不大。
  「優悠皇」戴頭罩由助手拍「世澤歆星」跳兩段,內檔拍住走有點牽強,火力不足,馬身更有點瘦,轉倉後工夫一直就住就住,甚至大閘都唔敢試,健康情況令人擔心。
  「好友無敵」黎海榮跳兩段,勤力加重口馬,在直路跳出的時間快得誇張,火旺神生,外觀亦靚到無得挑剔,勇況保持,幕後保養工夫應記一功。
  「機緣巧俠」戴頭罩由副練跳兩段,試來神閒氣定,按住順走極之輕鬆,馬身喼得靚,毛色保持光澤,弗足大半季毫無疲態,再看上仗直路塞車輸得冤枉,周三強勢重來,值得再次看好。
  「勁飛聖」戴頭罩由副練跳一段,老當益壯當之無愧,課課主動搶走躍躍欲試,今課亦唔例外,全程緊韁抽實,亦因捉得緊弓起雞公頸,走勢爽朗亦充滿彈力,狀態毫無低落。
  「種福者」戴頭罩由潘頓跳兩段,向來有點懶散,加上潘頓長韁唔畀佢上口,故跳得未算快,看似未夠起勁,實則狀態依然出色,馬身收得壯碩,毛色潤澤,步伐穩健有勁,更重要的是在多跑之下,體力仍見充沛。
  「威妙星」戴頭罩由副練跳一段,之前於從化試閘交出好走勢,今課返回沙田出跳充滿新鮮感,岳高頭走樣子極神氣,開步順暢又夠勁,比起前時明顯有進步。

最新回應

相關新聞

「美麗日子」神采奕奕

2021-01-28 00:00:00

知道必勝狀態托弗

2021-03-15 00:00:00

北極光步活如輪

2021-01-23 00:00:00

湛江最醒態在勇點

2021-01-11 00:00:00

熱門文章