「超勁勇士」唞夠再贏

每次夜賽馬會總是在報名當日才宣布加至九場，而谷草增加場次多數是四班千二，一拆二或二拆三。而今次拆組是五班千八，跑開短途的「獵狐章者」竟上陣，並非留待周六田草千二，明顯是馬會與練馬師未有共識，所以絕對有必要一早落實賽程。

第二場第五班一八〇〇米：「喜氣綿綿」以往情緒唔好韁口又敏感，幸好梁家俊好有心機，在丁廄時代已成日摸實此馬，今季轉去蘇廄更密密主課，現時「喜氣綿綿」表現愈見收斂淡定，大前仗跑泥地一哩時已贏馬開齋。

上仗梁家俊停賽，「喜氣綿綿」改配薛恩，之前後追好，突然跟前中段搶放簡直自殺，用錯跑法跑第四已算不錯。上仗梁家俊又無得跑，只怪手瓜唔夠潘頓硬，結果潘頓沒有令幕後失望，留放做到最好勝馬。「喜氣綿綿」各方面都到了最佳時，此際仍在五班相當着數，近兩仗谷草獲一亞一殿，證明窄場無問題，上仗贏千八氣量亦有保證，同程必合腳法，添食在望。

第八場第三班一六五〇米：「超勁勇士」上季四戰全入三甲，當時三歲已贏千四，並於千六孭頂磅入Q。今季此駒成熟進步，首戰初跑三班只輸四分三馬位，翌戰力挫「志在四方」首次贏千六米賽事。筆者一直有留意「超勁勇士」晨課舉動，此馬不論好或差的時候，每逢跳至直路中段都會自動收慢，再看今季一再作出配備變動，可見「超勁勇士」根本心智未成熟，因而演出飄忽不定。今戰唞足兩個月上陣，看其賽前操練工夫大有轉變，出跳無收慢聽教聽話，再睇埋三月廿七日試谷閘後上如箭，證明谷草必合腳法，重踏了正軌之馬，有力增添進帳。