綠色勇駿今次贏得

郭能事件告一段落，英國騎師班德禮於下周開始替頂佢位置，看近年很少英愛騎師可在港站穩陣腳，名星大如桑迪斯、巴米高、莫艾誠等亦佳作欠奉。班德禮星味遠不及上述好手，前路肯定難行，要爭取支持必須用盡二百分力才可。

第六場第四班一四〇〇米：「綠色勇駿」上季表現已見不俗，首兩戰熱身跑起勇態，之後七戰全部有獎金躋身前列，就算最尾一仗熱倒，谷戰排外檔形勢太被動。

今季轉五歲，「綠色勇駿」理應再進一步，奇怪近除了首兩戰被熱捧，之後無一次有飛數支持，其陣上表現與飛數亦成正比，次次留後衝一段，而入位一仗只輸兩個多身位。相信明眼人也睇出，方嘉柏一心一意部署「綠色勇駿」落班，看今次賽前部署就可說明一切，此駒向來甚密，落班立即唞到足，賽前更上從化訓練並試閘，去到埋門返沙田落草地出跳，再看用埋莫雷拉，完全擺出一副搏殺格，今次乃捧W之時了！

第十場第三班一四〇〇米：「佳運財」一直在從化訓練，首兩課大閘亦於當地出試，就算第三課落番沙田試，該閘一直混在馬群中留以有待，更重要初出一役以後備身分補替，結果表現令人喜出望外，排外檔留前鬥後一股作氣殺晒。該仗「佳運財」只是贏個馬鼻，締速唔算快未睇到是否真材實料，上仗終於證實一切，負重磅下再下一城，誇張到按韁大勝四馬位，締速更提升至一分九秒四四，高質盡表無遺。

「佳運財」前速唔快翻步慢，今仗練者安排牠增程有好無壞，至少有廿分在手，升上三班無阻力，有望成為希斯今季首匹三捷馬。