超勁勇士志在必得
2021-01-10 00:00
田泰安近年坐穩三哥席位,他的勤奮努力,騎功不斷進步,全是其成功之因素,亦因為他搏殺夠準,一班頂尖練馬師都對他作鼎力支持,其中告東尼更係最大「票倉」。然而自從十二月十三日後,安仔再無跑東廄馬,猶幸上周二他仍替「日日精彩」試閘,下周日亦有望為此駒繼續效力,若屆時能交出佳績,相信告仔仍會給他一個機會。
今仗「喜多樂」決意落班搏殺,上仗此駒爭直路賽全為減分,得償所願後今仗即跑番首本,看賽前跳三課次次吸引,尤其拍「足金好球」一課,不落下風更搶盡風頭,配合埋丁廄攻勢而來,勝望壓一。
第九場第三班一六○○米:「超勁勇士」上季仍有很多不足之處,晨課顯得懶洋洋,每逢過終點前一定要畀兩步,若果唔畀就會收停,難得在陣上依然能交出佳績,足見能力極高。今季「超勁勇士」升上三班,首戰熱捧雖三甲不入,但跑第四只輸四分三身位表現及格。拼罷該戰「超勁勇士」足足唞兩個月,休戰期間從未缺課,單是大閘就試夠兩課,且每課都有轉變,唔再懶並能輕鬆跟前,末段並維持勁勢,結果之後上陣再贏。上仗「超勁勇士」只唞兩周出戰,仲要首度扳上千八落敗情有可原,今次跑番千六且再變招改戴眼罩,擺明志在必得。
關鍵字
最新回應