上捕先鋒心火湧現
2021-01-09 00:00
「上捕先鋒」戴頭罩由薛恩跳兩段,昔日韁口欠穩定,目前情況已有改善,扣緊下順利完成,出腳力度充足,外觀亦無問題,狀態已操好。
「紅衣震撼」戴頭罩由副練跳兩段,一貫按慢輕舒步頭,神采飛揚饒具朝氣,馬仔細細身壯結實,毛色亮麗富光澤,狀態正值勇境。
「眾歡笑」戴頭罩由助手跳兩段,沿住內欄順走,罕見未有搶口試得淡定,走規愈來愈熟練,馬身喼得壯,一直在上佳水準。
「無心睡眠」戴頭罩由助手跳兩段,按實以慢速進行,聽教聽話無脾氣,身夠實淨唔瘦,不過火氣可以再好,比起弗時有一段距離。
「精彩非凡」助手跳兩段,沿內欄而馳,有火墜手勁度不弱,細細粒身壯健,步穩兼彈力夠,論態及格有餘。
「如真如假」戴助手跳三段,同樣貼住內欄走,步爽渾身是勁,不止外觀靚到爆,而且火氣夠猛,試來與鞍上人互相角力,佳態洋溢。
「友盈有款」楊明綸跳三段,試來夠專注活躍,步爽神生,馬身毛色依然靚,狀態一直見好無低落。
「頌聖」巴度拍「奇妙仙子」助手跳兩段,同樣戴頭罩,前駒走外檔一直以半個身位領先,跳完只因對手太弱,出腳貫注力未夠,馬身唔算太飽滿,狀態初起而已。後駒末段輕輕推騎未見追勢,懶性仍重,出腳拖泥帶水,進度徘徊。
「宇宙紀錄」戴頭罩由助手跳一段,按住跳得唔快,無搶口無岳頭,情緒有改善,馬身靚有線條美,步挺力度增強,轉好之中。
「大紅星」黃皓楠跳兩段,可以話無樣及格,無轉腳不特止,仲一直出住右腳,大半程側頭走欠缺集中,馬身又唔夠壯,毛色又好淡。
「爸巴閉」戴頭罩由郭能跳兩段,馬身長長但唔算壯,馬被遮了大半個身,平穩走過大大步,力度尚可神態對辦,唔算弗又唔算差,中規中矩。
「美麗分享」助手大圈踱步,好收斂好乖巧,全程試來温文淡靜,唔算太大隻,但馬身收得夠結實,傷瘉馬操足頗有好感。
關鍵字
最新回應