星島日報

高瞻遠矚出腳有勁

2020-11-21 00:00
  大部分馬匹安排在周四試跑,所以昨朝晨課場面較為冷清,只得十四匹參戰馬出跳,清一色進行單跳,主要來自呂健威馬房。現將所見報道如下:
  「安采」戴頭罩由韋達跳兩段,試來聚精會神快慢由人,完全唔急,韁口亦無敏感,馬身脹卜卜,毛色立立靚,可以話今季最弗一次,今次跑番田草值得重視。
  「好好學習」戴眼罩及頭罩由波健士跳一段,波仔韁繩較鬆,跳來姿態好輕鬆,走勢順暢,無整蠱作怪,外觀亦對辦,不過火力唔太足夠,早前從化閘也試得不好。
  「有理共想」戴頭罩由梁家俊跳三段,輕描淡寫走過,出腳輕巧有彈力,馬身收得靚,神態活潑展現暗火,勝後操足狀態並無回落。
  「情趣」助手跳兩段,純講外觀養得唔錯,馬身壯飽滿結實,毛色有光澤,但火氣好普通,神態平淡,已老退之馬未見起色。
  「牛精輝煌」戴頭罩由助手跳兩段,剛剪了毛所以兩截色,一貫靠內欄走夠輕身,不過氣勢唔夠,過終點後餘勢欠勁,未去番最銳利時候。
  「有得精彩」助手跳一段,上了口好肯走,火氣旺盛,出腳有力,馬身依然收得靚,論狀態比近兩仗更為銳利,但要留意的是這匹情緒馬,不論晨課或陣上有時欠集中。
  「烽煙四喜」戴頭罩由助手跳一段,大大步走過仍具氣勢,神態活躍,身光頸靚,年紀雖大但狀態仍佳,保養方面相當出色。
  「富存大師」戴頭罩由何澤堯跳兩段,有少少懶,跳來唔夠勁,且一直無轉腳,有點徘徊不前感覺。
  「勝利風範」戴頭罩由潘頓跳一段,從容不逼走過,火旺神生充滿朝氣,最吸引向來唔轉腳,今課入直路迅即轉腳且動作流暢。
  「高瞻遠矚」戴頭罩由黃俊跳一段,捉實跳得唔快,出腳輕快有勁,馬仔細細收身夠壯好實淨,狀態早在勇點。
  「弛曜風」戴頭罩由梁家俊跳兩段,毛色一貫烏卒卒,身壯健現線條美,火氣唔弱,論態非差。
  「老表醒」戴頭罩由助手跳兩段,愈來愈放鬆,好專注淡淡定,神采奕奕,上一課落草地「有理共想」毫不遜色,漸入佳境。
  「共同勝利」戴頭罩由何澤堯跳一段,神閒氣定聽教聽話,出腳開揚力度充沛,馬身收得更靚,愈戰愈勇之馬,進步甚多。

最新回應

相關新聞

「超新星」心火湧現

2020-04-11 00:00:00

元朗之星極吸引

2020-10-08 00:00:00

「協進神駒」進度理想

2020-05-11 00:00:00

「南莊之歌」後追最掂

2020-10-21 00:00:00

熱門文章