星島日報

「鵲橋飛渡」還以顏色

2020-11-18 00:00
  馬會一向做事妥當及決策高明,尤其疫情期間,每一個決定都做得快捷正確,令香港可以「馬照跑」。不過馬會都會有燒鬚的一刻,好似剛舉行的樂聲盃頒獎禮,無啦啦整三張大相在頒獎台中,場面認真驚嚇,有如此特別畫面,自然成為網上熱話。
  第二場第四班一六五〇米:「鵲橋飛渡」今季轉投時廄後全面振作起來,頭三戰獲兩冠一亞,大前仗獲亞不敵之後兩戰一亞一殿的「捉金皇」,而季殿軍「其利斷金」、「贏科超影」接戰亦能贏馬及上名。至於「鵲橋飛渡」一樣有好表現,前仗再出補中,頭三段放到一分十五秒四一,比起同場三班一分十六秒三二快近一秒,能段段快開貫注到尾難度頗高,所以上仗依然對其睇好,如果最後輸實力就無得好講,點知跑慣跑熟的波健士,出頭後唔放,硬生生留住跑,一定要放至好的馬,該仗更遇慢步速,唔輸才怪了。蘇偉賢亦心有不甘,向競組小組表示波仔用錯跑法,自此兩人也再無合作。練者用行動來宣泄不滿,今戰必會全力以赴,還以顏色。何況「鵲橋飛渡」依然好弗,課課出跳搶走神態生猛,今仗乃贏馬良機。
  第三場第五班一二〇〇米。「嘉喜旺」北半球馬急都急唔來,上季何良訓練次次輸到無影,今季開始轉好兼落到五班,賀賢接手時來運到。事實上,賀賢做足本分,試夠兩課閘操弗先至出戰,上仗「嘉喜旺」已跑出水準,無奈遇上跑開又銳的「友盈有款」,跑第二未能一擊即中。
  一直無五班千四賽程,唯有變陣改攻今戰,睇番「嘉喜旺」上仗賽前兩課閘,其中一課試谷閘跑第三,場地一早試準,更鍾意驚心前速輸蝕,今次加埋眼罩,睇番上周四戴罩出跳,運步如輪充滿勁度,強如潘頓都要短韁抽實,擺明配備用得啱。
  

最新回應

相關新聞

「超新星」心火湧現

2020-04-11 00:00:00

元朗之星極吸引

2020-10-08 00:00:00

「協進神駒」進度理想

2020-05-11 00:00:00

「南莊之歌」後追最掂

2020-10-21 00:00:00

熱門文章