創科先鋒唞夠操足

2020-11-14 00:00
  潘頓○七年來港發展時所獲支持甚少,不過他的騎功愈來愈進步,這十多年來隻手遮天,縱使面對強敵莫雷拉,仍四度成為冠軍騎師,同時是繼韋達之後,另一位在港贏過千場騎師。然而潘頓今季成績不似預期,並一再出現失準情況,究竟是心態抑或體能出現問題?今日他惡馬眾多,主觀願望希望他能贏番幾場回復信心。
  第三場第四班一二○○米:「創科先鋒」今季進步好多,潘頓亦知道牠是一匹好馬,一早過檔卜定帥印。然而前仗此駒亦未開氣,更弊的是望空搶口唔識留力,快放兩段入直路便無以為繼。上仗練馬師安排「創科先鋒」加戴面箍,賽前出跳已見收斂,配備用得其所,加上潘頓肯留住跑,果然展現虎相殺入亞席,落敗距離雖然唔少,不過頭馬「胆大威猛」按韁跑出一分八秒六一,比起當日二班頭馬「加州雷電」更快兩線,不敵強手無話可說。
  在唞到夠操到足下,最近「創科先鋒」試閘時勇銳無比,而且該閘再次快放,唔搶口淡淡定有前有後,確認踏入最佳時候。
  第四場第四班一四○○米:「金元寶馬」、「進優自在」拼來拼去出唔到頭,前駒衝刺必閃,後駒屢次受阻,再講分頭乏味,倒不如退作配選。今次向「鑽飾明駝」打主意,上季轉羅廄觀感一般,除了馬尾毛好短,仲要有肚腩,暑期過後就不同了,外觀變靚馬身收壯,毛色亦立立令,今季首兩仗依然故我,首戰望空下搶口,第二仗拼至氣管出血,次次輸得合理。
  上仗唞夠傷瘉,「鑽飾明駝」終取得轉倉後首次上名,更吸引是沿途望空跟前無搶口,並貫注到底,同時證明除去面箍有幫助,今仗快馬唔多,擺前走會賺,馬膽信得過。
關鍵字

最新回應

相關新聞

帝豪寶駒勇態已備

2021-10-08 00:00:00

確認眼神勇熟俱進

2021-09-29 00:00:00

「美麗日子」神采奕奕

2021-01-28 00:00:00

「無極戰士」胸有成竹

2021-06-09 00:00:00

熱門文章