星島日報

綠色勇駿及鋒而試

2020-11-09 00:00
  每逢周日都有大批周三參戰馬出跳,昨朝唔例外,除了慣常的馬房練兵,還加入了方嘉柏,相當多之勇馬出試,精采鏡頭目不暇給。
  「綠色勇駿」助手跳兩段,扣住順走氣宇軒昂,出腳流暢勁力充沛,馬身比之前更靚,已達及鋒而試勇境。
  「凌駕」拍「有緣人」跳兩段,同樣助手,前駒以往懶性甚重,近期出跳一再表現主動,今課墜手火氣旺盛,狀態弗到爆;後駒戴眼罩,已無咁懶散,步順力度增強,有進步感。
  「湛江最醒」戴頭罩由助手跳一段,韁口敏感之馬,鞍上人特別小心處理,神采奕奕步爽力勁,馬身靚,狀態正值勇境。
  「中華精神」助手跳兩段,神情專注聽教聽話,入直路轉腳動作利落,外觀省鏡,已具備爭勝勇態。
  「靈鋒」助手跳兩段,細細隻但馬身壯碩,毛色油潤,出腳爽夾勁,經多操多跑後,近況了不起。
  「哈蝦王旺」戴頭罩由助手跳兩段,按住順走,步穩力度唔錯,最緊要身無瘦且養得飽滿,甚有好感。
  「馬驕雄」戴頭罩由助手跳兩段,繼續戴上面箍出試,細馬身壯步順暢,暗火湧現,上課拍跳反應好,已磨利勇態。
  「堅有料」戴頭罩由助手跳三段,大大份但跳來完全唔論盡,神態活躍展現暗火,之前加罩試閘又表現好,蓄勢待發。
  「達心星」戴頭罩由助手跳兩段,輕輕鬆鬆跳過,完全唔使用力似的,神采飛揚充滿朝氣,比之前更進一步,充滿星味。
  「合金皇」戴頭罩由助手拍「黃金元帥」助手跳三段,逐步加速好反應,愈見放鬆情緒轉好,動作唔再崩緊,大有進步。
  「荷花福星」戴頭罩由副練跳兩段,唔急唔搶,神態活躍又有活力,馬身喼得壯,論態一直吸引。
  「愛馬劍」戴頭罩由助手跳兩段,慣性唔規矩,重口頭擰擰,但馬身好靚,落腳輕巧有力,持續見好。
  「好好彩彩」助手跳兩段,直路加速跳得好快,健步如飛充滿活力,馬身壯毛色立立靚,弱馬狀態出色。
  「騰龍超影」戴頭罩由助手跳兩段,躍躍欲試表現主動,好火好力,表現唔似老馬,幕後保養應記一功。
  「萬巿之光」戴頭罩由助手跳一段,台型不俗,力度不斷轉好,馬身一早收壯,進度理想。
  「簹多福」戴頭罩由助手跳一段,走來頗神氣,豎起雙耳火力俱備,馬身壯毛色潤,外觀好靚仔。
  

最新回應

相關新聞

「超新星」心火湧現

2020-04-11 00:00:00

元朗之星極吸引

2020-10-08 00:00:00

「協進神駒」進度理想

2020-05-11 00:00:00

「南莊之歌」後追最掂

2020-10-21 00:00:00

熱門文章