星島日報

翡翠綠出腳有勁

2020-11-07 00:00
  大部分周日戰駒在前朝進行試跑,昨朝場面冷清早可預料,慶幸尚有十四匹參戰馬出跳,主要來自霍利時和苗禮德馬房。現將昨晨所見報道如下。
  「翡翠綠」戴眼罩及頭罩由助手跳一段,按慢出跳從容不逼,灰馬身夠壯夠飽滿,步伐穩健出腳有勁,神色不俗,論態十分出色。看看今仗轉谷草會否有所突破。
  「會長之星」戴頭罩由韋達跳一段,愈走愈起勁,過終點後的餘勢凌厲,有火有力神態生猛,馬身脹卜卜,近況好吸引,名副其實蓄勢待發。
  「人和家興」薛恩跳兩段,好專注淡淡定,表現極之規矩,馬身收得靚,展現出線條美,試閘走勢課比課好,進度起得幾好。
  「白鷺飛翔」戴頭罩由黃俊跳一段,緊韁捉實神態活躍,步挺開揚活力充足,毛水潤澤立立靚,狀態弗到震,予人一見傾心感覺。
  「爪皇烈焰」戴頭罩由助手跳兩段,直路快開反應甚佳,老馬展現甚佳火氣,外觀一直做得好,馬身夠壯毛色悅目,幕後保養得宜。
  「甲烷」戴頭罩由助手跳兩段,愈見淡定愈見慢腳,安排增程正確,論態起得不俗,展步順暢且輕巧有彈力,而且試得好放鬆。
  「噴火龍」助手跳兩段,肉身馬一貫好肉哋,加上油潤的毛色,外觀相當好睇,但火氣則一般,未夠勇銳,比起最好時有距離。
  「蒜頭本色」陳嘉熙跳兩段,大隻仔走來好論盡,而且又有懶性,慢熱馬進度平淡。
  「四條煙」戴頭罩由薛恩跳兩段,馬身養得好靚,肌肉起展,落腳亦夠爽勁,神態對辦,甚有好感。
  「飛霸龍」戴頭罩由黃俊跳兩段,好講心情之馬,有時火猛搶住走,有時踢都唔走,今課唔肯走試來平平淡淡,狀態非最佳時。
  「奇真」助手跳三段,罕見三段都跳得快,刻意大力打磨,反應唔錯有番啖火,馬身又夠壯,而且馬尾毛好長好齊整,顯示健康情況理想。
  「情趣」助手跳兩段,直路要佢快開無問題,然而氣勢平平,神色又淡,年紀已大,有點力不從心感覺。
  「冠寶駒」戴頭罩由助手跳一段,按住大步完成,神閒氣定唔急唔搶,身靚步開揚力度充裕,最近試多課閘好積極,確認踏上最佳時候。
  「信威王子」戴頭罩由助手跳兩段,仲係郁身郁勢,力度亦普通,試得極之牽強,有待打磨。

最新回應

相關新聞

湛江最醒態在勇點

2021-01-11 00:00:00

玖寶神態威武

2021-01-05 00:00:00

「股票傳奇」超級再贏

2021-01-20 00:00:00

首飾傳奇硬朗有勁

2021-01-04 00:00:00