星島日報

「黃金甲」勝望壓一

2020-11-04 00:00
  剛戰賽事爆到九彩,十場大熱門無一匹勝出,當中潘頓佔去六匹,其中尾場「心頭好」留到極後又走外疊,又一次失去了昔日的冠軍騎師風采。值得一提,該仗賽前看很多快馬,包括「合衷共濟」、「幸運傳奇」、「二話不說」,但奇怪「嘉應風采」放出後卻個個安於本分,完全無諗鬥搶鬥放。
  第四場四班一二〇〇米泥地:「旋里多彩」苦戰多仗之下,前仗終於打開勝利大門,半路已推騎唔緊要,最緊要逼得起,末段愈衝愈勁,贏個多身位既有說服力,而且亞軍「印水紙」接戰補中大勝而歸。
  上仗「旋里多彩」備受熱捧失準,鞍上人發揮無錯,場地狀況同贏馬一次差唔多,老實講真係失望,似乎徐雨石亦搵唔到落敗原因,唯有讓此馬唞一唞,繼而重新備戰,由頭來過。休戰期間「旋里多彩」先後試兩課閘,第一課係考閘是必須要試,該閘試得好練者才收貨,之後再試多課躋身前列,確認對辦先至放心再戰,充滿誠意,今次對手弱得交關,值得追多次。
  第八場二班一六五〇米泥地:望穿秋水的賽程,「黃金甲」同「烽煙四喜」當然唔會錯過黃金機會。比較下,前駒只贏兩次,後駒在同程六勝,但睇一睇最佳時間,「黃金甲」一分三十六秒七五,「烽煙四喜」一分三十八秒三四。大家唔好忘記,「黃金甲」目前只得五歲,相對「烽煙四喜」已是七歲的沙場老將,更弊年中飛去杜拜,無啦啦舟居勞頓白行一趟,所以可肯定,今戰「黃金甲」勝望壓一。
  「黃金甲」準備工夫做到最好,上仗賽前做兩課大閘,加埋之後實戰熱身,目下此駒狀態弗到爆,馬身要幾靚有幾靚,毛色亮到透光,路合馬勇樣樣好,可以說是穩操勝券。
  

最新回應

相關新聞

「超新星」心火湧現

2020-04-11 00:00:00

元朗之星極吸引

2020-10-08 00:00:00

「協進神駒」進度理想

2020-05-11 00:00:00

「南莊之歌」後追最掂

2020-10-21 00:00:00

熱門文章