共創繽紛夠晒穩陣

　　波健士騎功好唔好見仁見智，不過出閘夠快，操控快放前置馬功架的確不俗，亦因此得到不少支持。然而剛戰策騎「鵲橋飛渡」卻演出失準，早段順利放出，之後捉番唔放，原本形勢大好跑到不入三甲，而蘇偉賢亦大發雷霆，罕有地賽前問話時大彈波健士用了錯誤跑法。
  第五場四班千二米：「有得精彩」上季初出追得好，接戰殺入三甲，該仗初跑千四兼變陣搶放，尚排大外檔難度極高，然而當時心智未搞好，之後兩戰熱捧均失準。
  今季「有得精彩」轉投苗廄，無論脾氣同外觀都有轉變，起初仲係好繃緊，經過悉心調教下已學識放鬆，唔再同鞍上人鬥力，更大轉變是除去所有配備，毋須再用配備幫助。果然此駒在落場時交出佳績，上仗一放絕塵，而且賽事水準好高，亞軍「雄龍」再出補中，第六第七名「歡欣福星」、「都柏名駒」不久後勝出。 贏馬後，「有得精彩」只操不戰，甚至試多課閘，苗禮德無非想操到更弗先跑，同時更吼準拆組面對弱，值得追捧。
  第九場三班千二米：「共創繽紛」初出即響頭炮，贏完提早唞暑，看資料此駒並無傷患記錄，再看今季一早復課，擺明是留待今季，等馬兒轉四歲更成熟先至再跑。蔡約翰做得好，「共創繽紛」亦做足本分，前仗復出再建一功，贏馬距離唔多，甚至有少少牙煙，全因直路受困遲望空，相對劣檔照贏衝刺凌厲，足見鬥心幾勁，上仗再反映一切，升班首戰兼沿途三疊望空，居然可埋牙火併「夢想成金」。
  保守估計，「共創繽紛」日後必過八十分，現時仍在三班出戰佔盡優勢，拼後走勢課比課好，埋門出跳神閒氣定，進度出色，穩健馬膽。