星島日報

健康在望狀態理想

2020-10-31 00:00
  昨朝晨課仍有十多匹周日參戰馬出跳,主要是來自希、苗及葉廄。至於一眾外籍好手雖有到場,但操馬不多。現將所見報道如下:
  「水箭龜」戴頭罩由助手跳兩段,短短身,但身好壯脹卜卜,步順俐落有彈力,神采飛揚,打仔馬狀態好易操起。
  「各取所需」戴頭罩由韋達跳兩段,馬身比上次收得更靚,走勢俐落神態活潑,毛色立立靚有光澤,極具好感。  
  「任我行」楊明綸跳兩段,用重型咇出試,韁口敏感馬試得淡定,馬仔身壯實淨,步伐輕巧,饒具好感。
  「達龍駒」黎海榮跳兩段,高班馬唔會跳得差,外觀亦做得靚,但差點氣勢,火力平平。
  「跳出世界」戴眼罩由助手跳兩段,轉了型愈來愈懶散,試閘前速唔太快,神態可以,身卻有點瘦,不過不失。
  「歐洲新星」戴頭罩由助手跳兩段,平平淡淡走過,而且一再岳頭,心智未搞得好,進度徘徊。
  「高瞻遠矚」戴頭罩由黃俊跳兩段,扣住順走力度不弱,馬身結實唔瘦,然而火氣好普通,未去番最佳時候。
  「連連行運」助手拍「一定搏」跳兩段,走內檔一直以大半個身位領先,試得起勁活力重現,連續兩課除去眼罩試得好,大有轉機。
  「健康在望」戴眼罩由黃俊跳一段,外觀依然吸引,馬身收得夠壯毛色靚,試來墜手有暗火,狀態理想。
  「赤馬雄風」戴頭罩由薛恩跳三段,淡淡定好規矩,不過毛色未算靚,出腳重唔夠力,進度非預期。
  「又享耆成」戴頭罩由楊明綸跳三段,唔急唔搶好文靜,可惜神態欠銳利,身仲有少少圓潤。
  「合衷共濟」助手跳三段,一貫火猛搶走,鞍上人耷低頭死撐拉得辛苦,晨操之星長期吸引,馬身脹卜卜,毛色又靚,狀態夠勇。
  「明月千山」黎海榮跳一段,沿外欄慢試,純粹踱步性質,神色好淡欠火欠力,毫無進展可言。
  「開心好玩」潘明輝跳兩段,無眼罩試來懶洋洋,馬身喼得好,毛色油潤,轉倉操足無低落。
  「深愛」潘頓跳兩段,戴住面箍跳得起勁,神態生猛有火有力,上去從化一轉更多添朝氣,狀態弗到漏油。
  「美麗高飛」助手跳兩段,過了二百先轉腳,全程頭側側,走規仍欠熟練,台型則好吸引。

最新回應

相關新聞

加州雷電有力反先

2021-01-01 00:00:00

「是必飛飛」弗到漏油

2021-01-07 00:00:00

首飾傳奇硬朗有勁

2021-01-04 00:00:00

人和家興不斷進步

2021-01-12 00:00:00