星島日報

赤水神駒勇銳無比

2020-10-27 00:00
  昨朝不少周三參戰馬出跳,勇馬當然唔少,其中莫雷拉更罕見地跑道甫開四點四十六分已出現,反映對今次賽事極重視。
  「首飾傳奇」戴眼罩由助手跳兩段,神情專注主動肯走,火力同樣唔錯,馬身壯健,狀態比早前有進。
  「金鷹翺翔」戴頭罩由助手跳一段,大大步走過,有火有力饒具朝氣,馬身脹卜卜,狀態仍在上佳水準。
  「奇妙仙子」戴頭罩由助手跳一段,開始轉好之中,出腳力度增強,唔再步浮浮已夠咬地,狀態不俗。
  「龍城猛將」助手跳一段,慣性豎尾,相當活躍主動衝刺,展現上季以來前所未見好火氣,狀態有復甦之勢。
  「赤水神駒」波健士跳兩段,好墜手好想走,轉彎已湧住去,入直路畀佢走心景開朗,火旺神態生猛,勇銳無比。
  「得益良多」戴眼罩及頭罩由助手跳兩段,直路側頭走,皆因捉到實,火氣好到不得了,馬身粗壯如鐵,已回勇。
  「惜多福」黃俊跳一段,有時帶點懶性,今課生猛肯走,且大馬輕身現線條美,狀態比上仗更省鏡。
  「吉利大勝」副練跳三段,馬身靚毛色烏卒卒,最吸引上仗出賽入直路無轉腳,今課轉腳過程流暢,狀態已操起。
  「偉大勝利」戴眼罩由黎海榮跳兩段,豎尾係佢標記,健步如飛力度雄渾,馬身喼得壯,火氣好狀態平穩。
  「千里駿駒」潘頓跳兩段,雖有汗濕但幾淡定,走規成熟了,然而仍有點重身,翻步慢狀態八九分之間。
  「順意寶」戴頭罩由黃俊跳一段,躍躍欲試心火盛,捉實下一度頭擰擰,馬身好壯毛水鮮明,狀態正值勇境。
  「喜勝駒」助手跳三段,沿內檔順勢而馳,豎起雙耳氣宇軒昂,步順開揚有彈力,馬身結實毛色悅目,弗到爆。
  「天地人」戴頭罩由潘明輝跳兩段,現時晨課變得懶洋洋,跳得唔起勁毋須介意,力度未減,論態依然弗爆。
  「有毅君子」戴頭罩由助手跳兩段,重口馬捉得辛苦,步挺力充足,馬身收靚,埋門及時趕起勇態。
  「藍海策略」潘明輝跳兩段,腳法唔太靚,但好有力步急勁,依然神采飛揚,近況托弗。
  「心中有您」戴頭罩由助手跳兩段,贏馬後氣勢未減,活力十足步伐順暢,馬身壯而乾爽無汗,馬房保養得宜。
  「馬爾代夫」薛恩草地跳兩段,按住順走聽教聽話,展步開揚,馬身飽滿毛色潤澤,今課跳來極具好感。
  「確妙星」梁家俊草地跳兩段,愈見放鬆試得淡定,走勢硬朗動作利落,馬身靚毛水立立靚,前所未見咁弗。
  

最新回應

相關新聞

翡翠綠出腳有勁

2020-11-07 00:00:00

「飛馬輝煌」再進一步

2020-10-29 00:00:00

「勝利在手」神態威武

2020-02-11 00:00:00

人和家盛勇熟俱進

2020-07-07 00:00:00

熱門文章