星島日報

路路之星氣勢澎湃

2020-10-03 00:00
  由昨朝出跳參戰馬仍多,主要來自葉、時、苗及伯廄,不過弗馬唔算太多,精采程度遠遠不及周四朝。
  「佳景福星」潘明輝跳兩段,好想走躍躍欲試,要緊韁捉到實,火氣旺盛神態生猛,馬身做得好靚,有贏馬時水準。「喜佳龍」戴頭罩由助手跳三段,出腳爽夾勁,而且好輕巧,灰馬身脹卜卜,火氣有增無減,弗到漏油。
  「智弗拍檔」戴頭罩由助手跳兩段,一直樁低馬頸,唔算太聽話,馬身亦有少少肥,最近試大閘時走來有前無後,進度非預期般好。
  「神朗金剛」戴頭罩由助手跳兩段,愈見淡定,頭亦唔岳高,神情專注,展步流暢,饒具好感。 「凌駕」助手跳兩段,愈走愈起勁,神態活潑出腳爽勁,活躍性大增,贏馬之後更加省鏡,鋒芒畢露。
  「路路之星」戴頭罩由助手跳一段,氣宇軒昂步爽神生,末段衝刺力勁,氣勢澎湃夠省鏡。 「旅英福星」戴頭罩由助手跳兩段,沿中內欄順走,唔再騰騰震,識得放鬆,細馬身壯夠結實,落腳輕巧彈力夠。
  「請讓路」戴眼罩及頭罩由楊明綸跳兩段,急口馬要捉到實,以致一直岳高頭走,仍有很多地方需要改善,且毛色也帶點淡。 「團結一致」戴頭罩由助手跳兩段,力度顯著提升,落腳再不是拖泥帶水,神態對辦展現朝氣,確認踏上正軌。
  「秒秒精彩」戴頭罩由助手跳兩段,按住跳得好慢近乎踱步,唔急唔搶情緒穩定,馬身收得靚,予人印象不錯。「無敵勇士」史卓豐拍「紅鞋兒」跳三段,逐步加速好反應,直路衝刺特別勁,火氣未減外觀依然省鏡,狀態未見滑落,奇怪的是上仗表現咁失禮。
  「凱旋來」戴頭罩由助手跳兩段,一貫頭側側,然而走來步順利落,馬身亦收得靚,最近一課加罩反應唔錯,狀態有起色。「勝利在手」助手跳兩段,晨課之星一向勤力,但走來氣勢唔算太盛,比起弗時仍有距離。
  「霸勝」薛恩跳兩段,大嚿飯唔重身,大步走過姿態輕鬆,神色暢旺現朝氣,老而彌堅。「度身訂做」戴頭罩由楊明綸跳兩段,慣性好多汗濕,不過力度不弱,前腳出得勁又開揚,漸見上力,有進展。
  「中華之光」蔡明紹跳兩段,暗力拉實充滿火氣,馬身飽滿脹卜卜,毛色潤澤悅目,最近試閘反應極佳,佳態洋溢。「老友威威」郭能跳三段,年紀雖大但仍有兩嘴,走勢硬朗勁度夠,身壯毛色烏卒卒,觀感非差。

最新回應

相關新聞

「超新星」心火湧現

2020-04-11 00:00:00

元朗之星極吸引

2020-10-08 00:00:00

「協進神駒」進度理想

2020-05-11 00:00:00

「南莊之歌」後追最掂

2020-10-21 00:00:00

熱門文章