星島日報

「甜酒杯」操足而臨

2020-09-16 00:00
  上周三連場死火的莫雷拉,剛戰梅開二度挽回面子,至於前次賽事殺得性起的潘頓,周日只贏一場而已,似乎兩人鍾意有你無我,亦鍾意輪流威。不過,跑馬往往不是一加一等如二的遊戲,可能當以為雷神夠鐘熄燈,分分鐘又畀驚喜大家,實行來一招「蠱惑的槍」。
  第三場五班一二〇〇米:今場我會博兩匹質新馬,分別是「甜酒杯」及「智理共想」,單是計年輕力壯,落到五班已有賺無蝕。兩駒比較下,我更睇好「甜酒杯」,八月二十八日已試過一課閘,上周二又試多一課,有留意方廄操練方法,有些馬無試閘已上陣,好似「顯心星」就是最佳例子,而有試的也頂多試一課,今次「甜酒杯」居然試夠兩課,除了希望大馬達到減磅效果,亦盡顯其肉緊程度。更重要一點是八月底一課閘「甜酒杯」已試得好,上周二加埋眼罩試來更是前後兼備,可見效果用得正面。今次排大外檔起步,對於大步馬可能仲好,如果分頭唔錯的話,值得一博。
  第七場四班一二〇〇米:「仙履奇遇」做足基礎訓練,試好多課閘才上陣,初出跑田草守好位,入直路卻爆唔起。蔡約翰知道此馬不足之處,一個月後針對此駒跑法均速的問題,練者使安排「仙履奇遇」改攻谷草,並改戴耳塞,等馬兒在陣上能更集中,最後得到的效果唔錯,力拼之下得第二,僅埋門一步被過,只輸畀生勾勾照贏的「有毅君子」。
  谷戰啱跑,煞科戰再來過,呢次遇上另一惡馬「勁跑王」,連續兩次做二哥,只怪「仙履奇遇」運氣唔好了。今季此駒四歲大熟大勇,看其試閘正值勇境,且平日表現愈見規矩,不斷進步,在主場谷草出戰,對手實力較次,可期贏馬而回。
  

最新回應

相關新聞

「超新星」心火湧現

2020-04-11 00:00:00

「協進神駒」進度理想

2020-05-11 00:00:00

「北極光」準備就緒

2020-02-29 00:00:00

「叻叻精彩」蓄勢待發

2020-02-17 00:00:00

熱門文章