星島日報

「醒目再臨」身壯毛色靚

2020-08-11 00:00
  昨朝出跳馬很多,幾位外籍騎師,包括莫雷拉、田泰安、史卓豐及薛恩均有到場操馬,潘頓亦文裝到場,與多位練馬師傾談。
  「醒目再臨」田泰安跳兩段,急口馬一向搶住走,外觀吸引,馬身夠壯,毛色油潤悅目,現時狀態不錯。
  「雄龍」戴頭罩由莫雷拉跳一段,充滿朝氣旺盛,馬身乾爽收得壯,步挺力勁。
  「神舟寶駒」助手跳兩段,試來神閒氣定,高頭大馬完全唔覺重身,雙目有神,予人好感。「淺草飛」戴頭罩由黃皓楠跳三段,雖然多汗濕,但出腳輕巧有力,且沿途走來淡定快慢由人,態無不妥。
  「北極光」戴頭罩由助手跳兩段,末段畀佢走,交出極快時間,步爽開揚有勁,出腳力度充沛,傷瘉朝氣勃勃。
  「八卦」助手跳兩段,腳法唔靚,前腳出得直的習慣改不了,但出腳力度不差,外觀亦靚。
  「亮先生」戴頭罩由潘明輝跳三段,平穩走過,神態轉好,不過差點氣勢,狀態只得七成水準。
  「超得意」田泰安跳兩段,型格腳法都幾靚,然而仲係有點生硬,入直路側頭外閃。
  「神朗金剛」薛恩跳兩段,一向都畀佢型格吸引到,最重要口勁開始收斂,識得放鬆。
  「榮冠大道」史卓豐跳三段,晨課之星一貫有火有力,馬身亦收得靚,論態出色。
  「顯心星」莫雷拉拍「川河明駒」助手跳兩段,前駒追上好反應,神態活潑火力俱足,充滿好感。後駒力度不斷增強,肌肉亦愈見結實,
  「星運子爵」莫雷拉拍「綠色有運」及「自然君子」跳三段,後兩駒由助手出試。「星運子爵」戴頭罩,試來既放鬆又專注,步爽力勁,狀態好。「綠色有運」戴眼罩及頭罩,細馬身實淨,毛色靚亦見吸引;「自然君子」試得有點牽強,火力未夠,距離弗時仍大段距離。
  「超霸無敵」戴頭罩由黃俊跳兩段,暗力拉實火氣不弱,馬身飽滿毛色潤澤。 「怡昌寶寶」戴頭罩由助手跳三段,靚仔馬身做得好靚,汗濕唔多,出腳輕巧,轉倉復現朝氣。
  「得賞」史卓豐跳兩段,精神奕奕步順爽勁,馬身壯碩現線條美,有一操即起之感。
  「前進」戴頭罩由助手跳三段,無眼罩唔會跳得起勁,不過出腳就輕,出腳力度亦強,保持理想進度。
  「不羈的風」楊明綸跳三段,唔急唔搶,展步順滑有彈力,馬身粗壯結實。
  

最新回應

相關新聞

「超新星」心火湧現

2020-04-11 00:00:00

「協進神駒」進度理想

2020-05-11 00:00:00

「北極光」準備就緒

2020-02-29 00:00:00

「叻叻精彩」蓄勢待發

2020-02-17 00:00:00

熱門文章