星島日報

「精算齊同」狀態弗番

2020-07-15 00:00
  (星島日報報道)練馬師冠軍之爭,姚本輝拋離告東尼同呂健威達四W之多,形勢大好。老實講,告東尼今晚出馬僅四匹,要後來居上真係唔易,不過呂健威既有七駒上陣,仲有潘頓協助,絕對有權來個絕地大反擊。
  第六場三班一二〇〇米:「加州雷電」上次筆者大力推介,話贏開三班,主要對手「善傳萬里」未贏過三班,仲要是升班首戰,前駒一定抵博得多,結果「加州雷電」不負眾望輕鬆贏兩個馬位,再一次跑出快時間。「加州雷電」有咁大進步主要是加了眼罩,讓這匹三歲馬可心無雜念作賽,難得是加罩頭兩鋪要放得好,而近兩鋪一次靠追入Q,一仗放唔出跟在第二位一樣交出好表現,反映馬兒在不斷進步中。「加州雷電」接近千二磅大馬唞了一個月,體力方面不用擔心,睇埋六月三十日試多課閘按韁取勝,可見狀態弗得交關。今次排十一檔起步看似大打折扣,實則今場多快馬,步速夠快,有望極速切入走二疊,形勢其實唔差,反而因為檔差換來超值賠率。
  第七場三班一六五〇米:「精算齊同」係北半球馬,偏向慢熱理所當然,上季中此駒漸入佳境,一再拼入三甲,去到四月分就打開勝利之門。話就話只贏四班賽,但跑出時間唔差,姿態又輕鬆。之後「精算齊同」因整傷腳一唞就十個月,看其狀態早已踏入正軌,加上今季五歲更進步,首兩仗三班熱都跑近,之後落四班再建功,就算返上三班繼續神勇,上次再贏之餘,從容取勝兼再次締佳速。其實「精算齊同」唔易發揮,不過剛戰臨場易配潘頓,入直路迅即轉正腳衝刺,變得好肯開步,明顯同潘頓好夾檔,今仗人馬再接再厲,近期操練所見,不論快跳踱步都十分輕身充滿彈力,狀態已弗番,在此有力再下一城。
  

最新回應

相關新聞

「超新星」心火湧現

2020-04-11 00:00:00

「協進神駒」進度理想

2020-05-11 00:00:00

「北極光」準備就緒

2020-02-29 00:00:00

「叻叻精彩」蓄勢待發

2020-02-17 00:00:00

熱門文章