星島日報

都柏名駒體力充沛

2020-07-03 00:00
  昨朝出跳馬好多,相對在內圈出試的馬較少,但當中卻不乏勇馬。
  「都柏名駒」副練踱一圈,快慢由人試得乖巧,神態專注目光集中,馬身展現線條美,持續態勇之馬,體力充沛。「寶山鷹」助手踱一圈,淡淡定有朝氣,走勢硬朗步挺開揚,身壯結實神態活潑,唞夠醒神狀態好。
  「安迅」助手踱兩圈,愈來愈放鬆,汗濕唔多,步挺貫注力足,馬身結實毛色現光澤,狀態愈磨愈利。「英之星」助手踱一圈,運步如輪神采奕奕,力度充足暗火湧現,外觀吸引,埋門試閘辣操勇況依然。
  「糖糖幸運」助手踱一圈,步順力足又夠勁度,馬身一早收靚,神態活躍有朝氣,試閘一再好進度出色。「美活人生」助手踱兩圈,唔急唔搶精神爽利,步順輕快有彈力,馬身亦收得靚,進度不俗早熟上力。
  「銀河飛馬」助手踱一圈,氣宇軒昂試得淡定,情緒大有改善,細馬身壯實淨,近況對辦極具好感。「雙節棍」助手踱兩圈,擔高頭走夠神氣,步順力雄火氣唔錯,毛色好靚馬身壯健,已在爭勝水準。
  「電訊火箭」助手踱一圈,小心按實順走,身色俱吸引,過步輕爽力度亦夠,火氣保持,長期勇銳。「日就月將」助手踱兩圈,愈見收斂受操控,馬仔細細唔瘦夠壯,毛色油潤悅目,進度開始轉好。
  

最新回應

熱門文章

可能感興趣的文章

「帝豪精彩」不斷進步

2020-01-31 00:00:00

紅褲日唞夠醒神

2020-06-09 00:00:00

「小鳥敖翔」全面復勇

2020-03-15 00:00:00

「有錢分」勇達巔峰

2020-01-24 00:00:00