星島日報

特醒天天精彩

2020-06-27 00:00

  跑到季尾最講體力,點樣睇體力充沛與否老實講唔容易,我自己就會留意隻馬身有無瘦,另外就係夠唔夠活躍。而我今次推介兩駒,近期醒神到不得了,晨課充滿朝氣,毫無疲態。
  第二場四班一二○○米:「特醒」及「心中有您」二選一,其實我好鍾意後駒,轉入賀廄後充滿朝氣,但始終擔心跑千二米會短,而另一憂慮是轉倉後未有試閘,與其都是弗馬,不如揀在陣上好開的「特醒」。
  在韋廄十一戰拼敗後,「特醒」食回頭草返回偉廄,不得不讚蘇偉賢,接手後唔做閘就跑,結果一擊即中,甚至擊退「怡昌飛駒」。上仗「特醒」不跑谷戰跑田草,對大步馬會更好發揮,可惜遇慢步速,更慘的是被「同有友」阻住去路,好遲才能望空,輸得無運。今戰有「幸運大兄」及「木火同明」搶放,步速必快有利後上,再看「特醒」最近拍跳走勢又夠爽勁,狀態已操勇,今次追得過。
  第五場四班一六五○米:「天天精彩」一直好惡搞,搶口不在話下,衝刺又會閃又會側頭,強如潘頓亦一再燒鬚。隨着年月增長,晨課愈見收斂,更重要轉泥地啱跑,前仗初跑同程即有好表現,若非排大外檔、彎位走蝕位及太早發力已得手。「天天精彩」的口勁已收斂唔會留太後,上仗跟前沿途無搶口,繼而直路爆出凌厲衝刺,雖只贏半個馬位,但跑出一分三十八秒三一,是今季四班同程最快時間。之前減分唔少,現階段是收成期,更重要收斂晒,仍配田泰安,人馬合拍亦毋庸置疑。

最新回應

熱門文章

可能感興趣的文章

「勝利在手」神態威武

2020-02-11 00:00:00

人和家盛勇熟俱進

2020-07-07 00:00:00

「超新星」心火湧現

2020-04-11 00:00:00

「八進」近況一流

2020-02-04 00:00:00