星島日報

飛天劍體力充沛

2020-06-21 00:00

  連同今次賽事季內只剩八個賽馬日,之前話騎練之爭好睇過戲,結果出人意表,騎師方面,潘頓和莫雷拉戰績遠遜預期。練馬師方面,告東尼近期勢如破竹、來勢洶洶,姚本輝亦不敢怠慢,同樣戰意鮮明。近日東、姚兩廄戰馬,值得秤先。
  第一場五班一千米:「鼓浪威風」當然唔算叻,對上半年更無次跑得好,但總算贏過,現時落在弱組已有看好必要。事實上,今場參戰馬水準低得緊要,且看季內贏過得只有此駒與「幸運飛駒」反映一切,而後駒在六月三至六月八日更缺過課,形成「鼓浪威風」的機會更加突出。
  最鍾意一點就是姚本輝肯變,見「鼓浪威風」近戰表現平平,今次賽前安排馬兒到從化訓練,是此駒第一次北上,而且更安排在當地試閘,實行狠狠地操練。而今次出爭直路賽亦是變數之一,除了「鼓浪威風」生得大大隻,噸位夠之馬大多擅跑直路賽,另一原因係牠過往轉彎曾外閃,出戰直路賽將會無後顧之憂。
  第九場三班千四米:「飛天劍」未轉倉前曾在谷草千二上名,轉投東廄後首戰卻跑泥地,此駒跑泥地始終差一點。上仗再戰田草即再入三甲,若非遇不利形勢已贏馬了。該仗「飛天劍」排一檔起步形勢大好,卻遇上超慢步速,原本守好位但又在內欄一再受困,甚至一度退落尾四。入到直路雖內檔有位,但一直被走二疊「運來福星」封了去路,前邊又有「美麗友盈」,就算田泰安騎到亦畏首畏尾,直至過了最後四十米才全面望空。「飛天劍」唞三個禮拜出戰,休息期足期,尚要上仗之前唞過兩個月,體力充沛,告東尼爭冠鬥志佳,信心之選。
  

最新回應

熱門文章

可能感興趣的文章

「勝利在手」神態威武

2020-02-11 00:00:00

人和家盛勇熟俱進

2020-07-07 00:00:00

「超新星」心火湧現

2020-04-11 00:00:00

「八進」近況一流

2020-02-04 00:00:00