星島日報

「四通八達」唞夠操好

2020-06-11 00:00
  昨朝甚少出跳馬,安排試跑的參戰馬更只得十匹,加上出席騎師不多,場面較以往冷清。現將所見報道如下:
  「四通八達」戴眼罩由助手跳兩段,輕描淡寫完成,走勢硬朗,出腳勁度不弱,馬身肌肉線條展現,早陣子曾傷過,唞夠操足現時已無大礙,試了三課大閘,走勢亦一課比一課似樣。
  「金元寶馬」戴頭罩由副練跳一段,一貫走來急口,鞍上人要捉到實,雖然情緒可以搞得更好,但出腳力度唔錯,爽朗得來又夠咬地,而且細細隻馬身收得實淨,似足隻辣椒仔,極具好感。
  「勇福星」戴頭罩由副練跳一段,大馬走過毫無氣勢可言,不但神態平淡火氣欠旺,而且好重身,孭住個大肚腩,始終傷患馬好轉無耐,埋門工夫唔算太辣。
  「以戰養戰」戴頭罩由副練跳一段,扣住順走神態輕鬆,聽教聽話,有一種清風送爽感覺,馬身依然收得好靚,毛色油潤有光澤,狀態一直在上佳水準,好吸引。
  「飈驥」戴頭罩由助手跳兩段,粟色馬毛色好睇,馬身亦壯現線條,神態活躍,狀態在轉好之中。
  「星叻」戴頭罩由助手跳兩段,繼續戴雙杆形口鐵出試,然而仍搶走,躍躍欲試好火好力,唔算係大隻馬,但夠晒肉地肌肉結實,論態長期見好,周日終重返四班必佔優勢。
  「英友好友」戴頭罩由梁家俊跳兩段,無脾氣好聽話,試來卻唔起眼,順住走,毫無氣勢可言,保持近戰觀感,進步欠奉。
  「世紀舞王」戴頭罩由蔡明紹跳兩段,有點急口一再想走,鞍上人用心調教順利完成,不過步伐凌亂,前腳抬得高,依然好生硬,欠缺進步。
  「揚帆順風」戴眼罩由黃皓楠跳兩段,無咁懶散,起碼肯走,但出腳欠勁,貫注力弱,更弊的是汗濕好多,全身大汗,慢熱馬有排未得。
  「幸運精選」戴頭罩由助手跳一段,試來精神奕奕,沿途抬高頭走,樣子神氣,步順開揚體力充沛,馬身更靚更實淨,之前唞過體力充沛,更難得上仗在四班入位,今仗可以落到五班出戰。
  「皇龍大將」副練大圈踱步,老馬試來仍有兩腳,走勢輕巧有彈力,外觀不錯馬身夠壯,體力充足之馬,狀態夠勇。
  「深愛」助手內圈踱步,全程搶走心火旺盛,馬身脹卜卜,毛色油潤悅目,論態長期省鏡。
  「陽明秋秋」助手內圈踱步,大步走過力度唔錯,神態活躍展現暗火,落班弗得及時。
  

最新回應

相關新聞

「勝利在手」神態威武

2020-02-11 00:00:00

人和家盛勇熟俱進

2020-07-07 00:00:00

「超新星」心火湧現

2020-04-11 00:00:00

「八進」近況一流

2020-02-04 00:00:00

熱門文章