星島日報

「海島材子」夠淡定

2020-05-24 00:00

  論今屆練馬師冠軍之爭,我覺得姚本輝呼聲較高,無疑他近期攻勢有所放緩,但大摩和告東尼並非一日狂掃幾場,最重要是姚本輝的四班馬多達三十匹,兵力極之充沛,而季尾四班賽更佔了四分三,預期至少可為輝哥贏多八至十場頭馬。
  第三場四班一六○○米:「海島材子」頭兩仗只是陪跑分子,前仗減磅即交出進步表現。該役超快步速,原本此駒並非跟前,但入彎已開始發力,變得跟得辛苦。入到直路此駒一早攞定中檔衝刺,但取位欠順一直受困,直到最後二百米才能望空,最弊是大半條直路出右腳,並且外閃岳頭,去到最後三十米終於轉腳,馬兒立即衝刺如箭,拼入一席第四。上仗「海島材子」名次降一級,落敗距離更唔少,但「博愛友威」大勝表現出色,所以前駒輸得遠亦不用太過介意,再講「海島材子」第一次跑千六仍在摸索階段,今次路程唔再變,輝哥已認定千六最好,最重要晨課不斷進步,身靚唔再肥,而且夠晒淡定。
  第十一場二班一四○○米:「友好日子」第二戰已能上名,之後兩戰更犀利,首仗受傷休戰多時,後上僅負,接戰影相飲恨,不敵當時大勇「百步穿雲」。今季初「友好日子」仍在羅廄,九月二十四日試閘後又傷,竟然未有起色,於是幕後安排轉姚廄一試,搞了大半季在三月終復出,該仗太耐無跑可當熱身,表現欠奉唔介意,最重要之後操得,甚至再試兩課閘,大有轉機,果然上仗復現虎相。該仗「友好日子」未能贏馬非常唔抵,因為受制劣檔焗留,更弊是遇超慢步速,在如此劣勢仍追入Q難度極高。弱馬正值勇境必拼,尤其繼續受操,做夠五課快跳,備戰辣到出汁。

最新回應

熱門文章

可能感興趣的文章

「超新星」心火湧現

2020-04-11 00:00:00

「協進神駒」進度理想

2020-05-11 00:00:00

「北極光」準備就緒

2020-02-29 00:00:00

「叻叻精彩」蓄勢待發

2020-02-17 00:00:00