星島日報

「勝賢」最弗今次

2020-05-13 00:00

  大多參戰馬昨朝都到內圈出試,精采鏡頭一個接一個,現報道如下。
  「鼓浪威風」助手踱一圈,試來甚有朝氣,走勢硬朗夠勁,幕後保養應記一功。「永益善」助手踱一圈,外觀仲係幾睇得,火氣普通神色亦淡,始終跑得太密。
  「超級炮彈」助手踱一圈,馬頭一再擺,力度唔夠之餘,前腳開得唔闊,進度平淡,仍有很多進步空間。「天生一對」助手踱一圈,急口馬要捉緊,上述鏡頭唔介意,最重要捉實下無頭岳岳,韁口有改善,外觀更省鏡。
  「常勝心」助手踱一圈,晨操一向內斂,論態依然吸引,按住順走姿態輕鬆,多添一份朝氣。「同進」助手踱兩圈,大步檻過神態平淡,且喘氣聲頗大,試得好牽強,對比當弗時有好大距離。
  「勝賢」助手踱一圈,跳來模似樣,步順力度唔錯,觀感甚佳,甚至講得上至今最弗一次。「美麗歡欣」波健士踱一圈,口勁無咁重,但仍有少許搶口,狀態未算駟正,然而能力不俗,七八成馬已要留意。
  「老表醒」助手踱一圈,步姿仍生硬,出腳唔太順,多次頭岳岳,更唔鍾意馬身好細隻,養得唔夠壯。「鋒仔」助手踱一圈,晨早識慳水慳力,當然唔會展現鋒芒,這點是可接受的,不過相當重身,仲有個肚腩仔,則不及格了。「八卦」助手踱一圈,落腳爽又夠主動,充滿了朝氣,毛色立立靚,馬身結實之餘展現線條,愈來愈省鏡,已屆爭勝之時。
  

最新回應

熱門文章

可能感興趣的文章

「小鳥敖翔」全面復勇

2020-03-15 00:00:00

「星河戰駒」神態暢旺

2020-04-13 00:00:00

「一拍即合」弗到漏油

2020-02-13 00:00:00

「火百合」勇況依然

2020-02-04 00:00:00