星島日報

「水箭龜」譽滿欄邊

2020-05-12 00:00

  不少周三參戰馬已試跑,所以昨朝出跳馬不多,然而仍不乏精采鏡頭,因為賀、時、呂廄都有不少勇馬出跳。
  「勝賢」戴頭罩由助手跳兩段,神情專注步伐順暢,馬身靚有線條美,已具備爭勝水準。
  「地通拿」戴頭罩由助手跳一段,力度明顯增強,外觀亦做得唔錯,狀態在轉好之中。
  「老實人」戴頭罩由助手跳一段,韁口一向重,要緊韁扣實,大馬輕身火氣唔錯,狀態比早前稍好。
  「水箭龜」戴頭罩由助手跳一段,健步如飛充滿朝氣,馬身好靚,更吸引勁得來又定,走勢譽滿欄邊。
  「緻寶駒」戴頭罩由助手跳兩段,毛色靚好多,細馬身飽滿,狀態已具水準,要彈卻是走至二百米轉番右腳。
  「活力爵士」助手跳兩段,型格好得意,身形均稱卻馬頭好細,論態唔差毛色潤澤,落腳愈見爽勁。
  「醫生雄星」戴眼罩及頭罩由助手跳兩段,跑姿唔靚更有懶性,過終點一刻更跳一跳,表現慌張。
  「得賞」賀銘年跳兩段,飄口馬唔太規矩,外觀可以,起碼馬身夠壯,然而氣勢未算旺盛。
  「超趣」戴頭罩由助手跳一段,未起步時想走,之後出跳聽教聽話,出腳急勁又利落,狀態一直見好。
  「快閃的」助手跳一段,慣性出右腳一直豎尾,火力保持,馬身喼得壯,新勝態無走樣。
  「漸信龍駒」賀銘年跳兩段,沿內欄扣住走,因韁繩太長少許扭擰,雖如此但未減吸引程度,有火有力勁度十足,狀態在勇境。
  「勝利風範」戴頭罩由潘頓跳兩段,動作瀟灑展步流暢,神色暢旺充滿朝氣,長期省鏡。
  「勝利威龍」戴頭罩由何澤堯跳兩段,力度比之前好,毛色無咁淡,神態轉旺盛,狀態轉好中。
  「八卦」戴頭罩由助手跳兩段,按實跳得唔快,看似均速但力度不弱,馬身保持壯,狀態平穩。
  「高瞻遠矚」莫雷拉拍「活力勇士」助手跳三段,前駒細馬身喼得靚,保持飽滿,健步如飛渾身是勁,後駒同樣吸引,火猛力勁充滿動感。
  「超額認購」戴頭罩由何澤堯跳兩段,前腳雖出得直,不過勁度夠,神態生猛火氣好,狀態仍勇。
  「動力飛鷹」戴頭罩由巫顯東草地跳兩段,一貫多汗濕,馬身收壯無肥態,力度提升,狀態復勇。
  「勁飛聖」波健士草地跳兩段,按住順走姿態輕鬆,外觀靚到爆,馬身壯晒,毛色立立靚,轉倉後煥然一新。
  「南莊之歌」戴頭罩由史卓豐草地跳兩段,愈來愈斂口,步穩力充沛,馬身實淨,觀感不俗。
  「爪皇轟天」戴頭罩由助手草地跳一段,慢走做例課,身形結實,毛色有光澤,狀態平穩。
  「南區寶」戴頭罩由波健士草地跳兩段,贏開有信心活力充沛,馬身更壯更靚,最近試閘試後追反應佳。
  「軍炮」史卓豐跳兩段,雙目有神呈現朝氣,肌肉結實,老馬有番兩腳,馬房保養得宜,狀態回勇。
  

最新回應

熱門文章

可能感興趣的文章

「超新星」心火湧現

2020-04-11 00:00:00

「協進神駒」進度理想

2020-05-11 00:00:00

「北極光」準備就緒

2020-02-29 00:00:00

「叻叻精彩」蓄勢待發

2020-02-17 00:00:00