星島日報

「友享友賞」全面振作

2020-02-09 00:00

  昨朝出跳報名馬不少,主要來自文及石廄,同時莫雷拉更親身試三駒,動態非常積極。
  「大眾勁駒」戴眼罩由莫雷拉跳兩段,大步檻過勁力貫注,眼神炯炯朝氣旺盛,馬身依然好壯,毛色立立靚,狀態弗到震。
  「善傳千里」潘頓跳兩段,走勢硬淨勁度未減,馬身不止喼得靚,仲要起晒柳條,火氣十足且充滿氣勢,保持勇態。
  「一定搏」戴頭罩由副練跳一段,神情集中,愈見放鬆,馬身收壯力度增強,試了五課閘準備充足,初出即有留意必要。
  「閃耀榮光」戴頭罩由莫雷拉跳兩段,神色不差走勢爽勁,外觀亦做得唔錯,不過氣勢未算旺盛,過終點後餘勢不強。
  「開心計劃」戴頭罩由助手跳一段,落腳重之餘,且帶點拖泥帶水,馬身又肥,有個肚腩仔,欠缺好感態一般。
  「友享友賞」戴眼罩由莫雷拉跳兩段,按住輕鬆走過,身靚好薄皮,神態昂揚火氣唔錯,馬身脹卜卜,確認全面振作。
  「湛江最醒」戴頭罩由田泰安跳兩段,一貫有點急口,走順了無問題,神態活潑目光銳利,勇況絲毫未有減退。
  「悅目星光」田泰安拍「任意駒」黃皓楠跳三段,同樣戴頭罩,前駒衝得起勁,火猛力勁充滿動感,馬身更壯得很,佳態洋溢,後駒完全被比下去,試得牽強力度普通,仍有不足。
  「童話」戴頭罩由助手跳兩段,再無縮耳,試來極之集中,出腳開揚力度充沛,灰馬毛色悅目,正值勇境。
  「齊勝利」戴眼罩由黃皓楠拍「好友順」跳兩段,表現乖巧,也未見搶口,但出腳仍重多少,勁度唔夠,狀態未操起。
  「龍船」助手跳兩段,心火湧現一落場就想走,每分每刻都要緊韁抽實,入直路畀佢走,即交出超強衝刺,猶如食了火藥,依然相當生猛。  
  「其樂無窮」戴頭罩由助手拍「瀟灑哥」跳兩段,直路加快步伐,力度好過之前,毛色復現光澤,老馬狀態有起色。
  「育馬新星」助手跳兩段,步幅開揚饒具朝氣,馬身結實,然而仍有少許懶性,狀態稍好未夠。
  「嶺寶峯」蔡明紹跳兩段,剪了毛因此兩截色,論觀感好過之前,神態暢旺呈現暗火,早前試閘操足復現勇態。
  「佳運來」戴頭罩由黎海榮跳一段,一貫多汗濕,走勢硬淨力度未減,多跑下身唔急,老而彌堅狀態無走樣。
  「翡翠劇院」助手跳兩段,勁度始終唔夠,半推半就完成,火氣平平,神色好淡,狀態今非昔比。

最新回應

熱門文章

可能感興趣的文章

「勝利在手」神態威武

2020-02-11 00:00:00

「超新星」心火湧現

2020-04-11 00:00:00

「八進」近況一流

2020-02-04 00:00:00

「精算風暴」不遜勝時

2020-01-16 00:00:00