樂●活｜Line Friends節日聯乘

如果你係Line Friend嘅粉絲，或者身邊有朋友係Line Friends粉絲的話，今個聖誕就有唔少選擇！

其中星巴克就聯同LINE FRIENDS推出Starbucks X LINE FRIENDS系列，當中包括4款造型可愛嘅杯具，包括1款限定聖誕造型咖啡杯及3款限定聖誕造型或冬日主題不鏽鋼隨行杯，更有穿上紅色圍裙化身星巴克聖誕咖啡師嘅毛公仔，以及毛毯、便攜袋、手挽袋及文具等限量商品。除咗商品更推出一系列WhatsApp及LINE貼紙畀大家下載，5位LINE FRIENDS成員以可愛表情配搭不同問候語及節日祝賀語，最啱大家向親朋好友送上窩心祝福。

想打卡的話，記得要去尖沙咀港威商場分店，店內布置成全亞洲唯一LINE FRIENDS主題星巴克分店，幾位經典人物換上聖誕造型與立體星巴克咖啡杯現身分店門前，等大家拍照打卡。今次嘅聯乘更推出兩款造型曲奇，分別係BROWN薑餅曲奇和CONY薑餅曲奇，分別在於薑餅口味的曲奇上鋪上一層白朱古力或牛奶朱古力，然後印上BROWN與CONY的可愛模樣。

講開餅食，一定要話畀大家知LINE FRIENDS繼月餅後，再次同奇華餅家再度合作，推出以冬日佳節布置為設計主題嘅LINE FRIENDS WITH KEE WAH BAKERY聖誕屋禮盒。聖誕屋禮盒內有BROWN朱古力曲奇、BROWN牛油曲奇和花生脆糖，隨禮盒更有LINE FRIENDS WITH KEE WAH BAKERY環保袋。奇華更特別準備了1套6款嘅LINE FRIENDS $50聖誕限定版現金券，購買1套就可獲贈LINE FRIENDS環保袋。另外，於即日至12月25日期間到奇華消費滿$50，亦可加$25換購環保袋。奇華更準備了網店限定、免本地運費嘅LINE FRIENDS WITH KEE WAH BAKERY聖誕套裝（專享價$388），內有聖誕屋禮盒、環保袋及1套6款嘅$50聖誕限定版現金券。

 除一系列LINE FRIENDS WITH KEE WAH BAKERY商品外，奇華亦有以經典聖誕角色為靈感的聖誕小食禮盒，內有蛋白杏仁趣寶、特濃朱古力蛋卷及小紅莓牛油曲奇。

假若想買實用兼一定用到的話，可以考慮H-PLUS BROWN’S HOUSE Special Edition，今次嘅Line Friends系列以聖誕為主題，打造出4款不同造型的口罩，最啱配襯聖誕氣氛造型，實行由BROWN & FRIENDS朋友仔陪住大家過聖誕。

 

H-PLUS更同時推出Pokémon Plaid Collection，禮盒裝包括四款不同顏色的Pokémon Plaid Collection特別版高防口罩及精美禮盒，Pikachu以四個可愛造型搭配型格花呢格紋，更有中童款，而禮盒包裝為四層高抽拉式櫃桶盒，方便抽取口罩之餘，更可當作儲物盒重用。另外，更有櫻桃小丸子和H-PLUS聯手推出限定12星座造型口罩連精美磁石硬盒，以星座書為設計靈感嘅磁石盒可用作儲物盒之用，而口罩就有三種星空配色，款式時尚易襯。

作者：Laurie Wu（愛保健愛旅遊愛購物的熟女）
[email protected]