星島日報

【樂●活】迎中秋慳錢兼做善事

2020-09-26 12:00
話咁快下星四就是中秋,未買月餅及應節食品的話,相信都會在這兩天作最後衝刺!等Laurie同大家分享又慳到錢,又可以做善事,又可以準備好應節所需的方方法啦 !

好多時睇中了一些網店的產品,又怕收到的質素不似預期,枉花錢之餘又浪費,買與不買,十五十六。奧海城就夥拍快閃體驗平台PopSquare於開設彈性線上 x 線下零售新概念平台「POP Gallery」,讓大家可以視覺、觸覺、嗅覺等感受平常只能看圖的網店商品,再決定是否扑鎚入手!

適逢中秋節,更以「月滿.盛宴」為中秋節主題,多款網店大熱的應節食品,好似Little Miss Macarons特製「馬卡龍月餅」、Dear Harley中秋主題幻覺蛋糕及L'ATELIERduThé優質混合茶葉及曲奇禮盒等,統統可以觸得到、食得到。親身去 到奧海城現場體驗商品之餘,仲可以參加小遊戲贏取折扣優惠。奧海城仲準備Little Miss Macarons馬卡龍月餅 、 L'ATELIERduThé 茶葉曲奇套裝、皇室秘密 白酒等一系列中秋禮品畀大家在以商場消費完或S+會員積分換領,變相等於消費過後就可以額外帶中秋禮品返屋企。

除了吃入口的,中秋節又豈能少了一個燈籠,凱悅尚萃酒店就邀請了本地設計品牌麥東記,將北角的街景及街坊鄰里共慶中秋的溫馨景象,作為今年DIY中秋LED燈籠的主題,扣除成本後的收益將全數捐至膳心連基金為有需要人士提供營養食物援助。 (按此

今年的月餅罐除可拿到回收箱,更可將5個已清潔乾淨的金屬月餅罐拿到Lush 嵐舒香港及澳門門市,免費換領1件指定洗髮皂,不過就要記得先在10月1日前上網登記(按此),如果預計自己唔夠5個月餅罐的話,叫埋親朋好友一齊參加回收!

作者:Laurie Wu(愛保健愛旅遊愛購物的熟女)
[email protected]

最新回應

關鍵字

熱門文章