星島日報

【樂●活】邊行邊買愛「飾」動物

2020-09-19 11:00
接連多宗的虐待寵物案,叫人心痛,就連紅姑鍾楚紅都忍唔住要發聲!今明兩日(9月19至20日)就有一個地方滿載對毛小孩們的愛和關懷,凝聚愛護動物人士力量,仲可以逛小店買同動物有關係的周邊產品。

每次見到人動物設計的產品都會有一種不得不買的魔力,而已經去到第6屆的愛「飾」動物日Aniform Day更加係每年必Mark住要去捧場的活動。今年的Aniform Day會有近100個小檔在D2 Place一期2樓The Space開檔,一如既往會有不同與動物相關的周邊產品可以買到。

為大家介紹幾間私心之選! 一條鈎織領巾或者設計別致的胸背帶就可為寵物帶來不一樣的造型 ,再加上Somis-garden專為寵物設計的服飾,可愛賣萌、精靈Sharp醒都可以搵到一樣

如果想家中的毛小孩陪住你周圍去,就可以留意Pawsible訂製愛寵造型的帽子、插畫、雨傘。至於有用開香薰的朋友,不妨搵Paticca 緣幫手訂製寵物擴香石,實行將主子造型的擴香石擺在枱頭、窗邊或者車上,時刻都有散發香氣的都主子相伴。

想更加貼題,大家記得可以著埋印上有動物圖案的服飾,齊齊愛「飾」動物。

作者:Laurie Wu(愛保健愛旅遊愛購物的熟女)
[email protected]

最新回應

關鍵字

熱門文章