商家紛紛利用出軌風波推銷。facebook圖片
商家紛紛利用出軌風波推銷。facebook圖片

藝人許志安、女藝人黃心穎,被拍攝到疑在的士車廂,背住太太鄭秀文、男友馬國明出軌纏綿,轟動全城,亦帶動「抽水商機」,不但車Cam成為熱賣商品,甚至乎連遊戲機手掣、口罩、自助餐、旅游套票都可以在facebook趁機推銷。

網購平台「HoKoBuy」在程式内推送通知「伴侶最安心...智能車Cam,提升暗光環境畫質,還原事故過程」,更在Facebook加大力度促銷「車Cam 真係一個好偉大嘅發明...甚至前面車廂孤男寡女發生乜嘢事 ,佢都可以成為一個有力嘅證據」。電器店豐澤也在Facebook推銷「車Cam要識揀,夜視保心安」。

PlayStation HK在facebook專頁推出「高山綠」色遊戲機手掣,配文寫上「綠制唔怕用, 最緊要夠精準!綠色給人自然平靜感覺🌲雨後陽光☀️希望在『明』天。」更有網民以為只是開玩笑,「原來係真!以為 PSHK 係抽水」,更有人提議「送一隻俾馬明喇」。

不過有網民就認為不應該落井下石,「 唔好咁賤啦 公關唔係咁做。#關公災難」、「唔應該抽受害者水」,不過專頁就解釋,「今天剛剛要發佈新產品」、 「Sorry...今日剛公佈了新產品消息」、 「綠色本無錯...」、 「人地私人感情好難評論嘅...希望大家Focus返新產品訊息及優惠」。

「HoKoBuy」也趁機推銷車Cam
「HoKoBuy」也趁機推銷車Cam
「HoKoBuy」也趁機推銷車Cam
「HoKoBuy」也趁機推銷車Cam


不過其他商家都有借助出軌風波推銷,例如KKday借「站出來,用行動支持馬國!」推銷馬來西亞的旅游產品套票;Klook標榜「唔准自己搭的士去偷食自助餐!」、「#用自助餐對抗失戀 #偷食不是好行為」字眼推銷自助餐優惠。

至於實惠宣傳「口罩唔怕戴,最緊要除得快」字眼推銷口罩;樂家杏仁糖利用「樂家雖然好味,但其實好多司機叔叔都唔鐘意人喺車廂食嘢,所以大家都唔好喺車裡面偷食啦!...#偷食係唔啱㗎 #樂家係好食都要忍下 #畀個Cam影到就唔好啦」推銷。

出軌風波抽水新聞:

【KellyOnline】車廂嚴禁偷食 九巴FB抽水:巴士上面都有Cam

【Kelly Online】廉署加入抽水 FB出po「咪以為做足保密」就安心

建立時間:1825
更新時間:2052

豐澤也趁機推銷車Cam
豐澤也趁機推銷車Cam
有遊戲機廠商新推出綠色控制器。facebook圖片
有遊戲機廠商新推出綠色控制器。facebook圖片

有糖果商宣傳好食也不要偷食。facebook圖片
有糖果商宣傳好食也不要偷食。facebook圖片
有家品商趁機推銷口罩。facebook圖片
有家品商趁機推銷口罩。facebook圖片
有網上套票商戶推銷自助餐。facebook圖片
有網上套票商戶推銷自助餐。facebook圖片
有網上套票商戶推銷旅游產品套票。facebook圖片
有網上套票商戶推銷旅游產品套票。facebook圖片