MIRROR公佈百日宴參加詳情。
MIRROR公佈百日宴參加詳情。

本地男團MIRROR為成軍100日,於臉書專頁公佈將舉行首個官方粉絲聚會,於2月10年初六辦「MIRROR百日宴」,費用每位$888,名額只限288位,參加者必須年滿18歲,除填寫參加表格,還要用創意跟團隊講祝賀說話,然後他們會邀請最有創意的288位參加。雖然收費貴過演唱會,但他們聲明有得同大家傾偈,玩小遊戲、影相、食嘢之外,亦會預備驚喜演出,最後仲有紀念品給大家拎返歸。
至於網民留言都嫌$888太貴,「機會是留返畀有錢的人」、「一看費用,我以為去參加他們婚宴」、「菜單呢?$888俾咩我食?係咪佢哋坐落黎一齊食先」、「 演唱會都是$780…呢個係咪超貼身近距離觀看佢哋吃飯?」、「天團咁嘅價!其實都係想見一面啫,使唔使搞咁多嘢」;亦有覺得年齡限制好大問題,「18歲以下,真係門欄高咗啲,建立MIRROR,都係想年輕人知道香港有自己的偶像,反而將青少年拒於門外,我朋友同佢囡囡都去聽MIRROR演唱會,但小妹妹只有14歲,佢應該好失望」,不過最大問題係要「抽」創意,有粉絲踢爆「唔好到時又抽到同一班MV又出現過、CSL廣告MV又出現過、MIRROR GO現場觀眾又出現過果班fans吖」、「希望公平啲抽籤,唔好再係靠關係內部選人」。