有網民呻被一家三口打尖,向對方提請排隊時,卻遭圍轟。fb群組「上水人大聯盟」
有網民呻被一家三口打尖,向對方提請排隊時,卻遭圍轟。fb群組「上水人大聯盟」

排隊上車是常識,卻未必人人做到。有網民發帖呻道,乘搭停機坪巴士登機時,自己早已排隊,但遭一家三口人士「扮傻攝埋嚟」,遂示意對方請排隊,結果被一名年老婦人、婦人的丈夫及女兒輪流炮轟,斥「小小嘢咪當睇唔到囉」,事主最後唯有息事寧人。不少網民都留言批評「成家都冇品」。

有網民昨在facebook群組「上水人大聯盟」發帖,指乘搭航機從日本返回香港時,在當地機場按地勤人員指示排隊搭停機坪巴士登機,「我一個人已經喺條隊到,呢家人無啦啦扮傻攝埋嚟」。樓主於是提他們請排隊,詎料其中年老婦人辯稱自己已排隊,反問「你睇唔到呀?」婦人的女兒則指「讓下老人家啦」;丈夫亦插嘴批評樓主「小小嘢咪當睇唔到囉,好快就上巴士,嘈咩呢。」

樓主最終息事寧人,並慨嘆只是提醒他們排隊,「點知呢家人就將所有事反轉講。依家啲老嘢,真係恃老賣老,真係好XX。」

帖文引來不少網民「嬲嬲」,有人批評一家三口很丟架,「其實位就一早劃曬 ,又要上齊人班機先起飛,咁趕為乜」、「最乞人憎就係呢啲人」。另有網民認為類似情況不時發生,「恃老買老,細嘅又係咁大嘅又係咁。」