謝安琪獲Juno親自為其MV任導演。
謝安琪獲Juno親自為其MV任導演。

謝安琪(Kay)拍攝新歌《人妻的偽術》MV,由老闆麥浚龍(Juno)擔任導演,得寵的她亦大賣口乖,大讚老闆說:「太耐冇認真拍攝,我係好緊張,好在Juno做導演,我覺得佢係有一種好犀利嘅魅力,令大家好專注做一件事,平息靜氣但又唔係好緊張,好享受喺呢個氣氛裏面。」

MV中Kay大部份時間都在浴缸浸住水,對她來說食煙難度更高,獻出了入行十多年來的第一次。為了演繹人妻的孤寂,Kay事前花了四星期學習拿煙的手勢和吸煙的姿態,到正式拍攝時她終於嚐到了人生第一口香煙的味道,她笑說:「Juno提出要我食煙,以呢一支煙,反映出歌詞中人妻嘅孤寂,我認真考慮了兩星期先答應。我亦上網睇咗好多男女演員吸煙嘅形態,連去旅行都帶住支煙練習。埋位時第一次點著支煙吸第一啖煙,我以為有嘢燒燶咗。」
Kay又謂雖然浸住水幸工作人員不斷加添熱水,所以水溫好舒服,並謂今次拍攝重點是背部,故在3、4個星期前習吸煙姿態同時,背脊都不可以不爭氣,她跟健身教練商量集中鍛鍊背部線條。她又再大讚說:「諗起《羅生門》拍咗18 Take,成件事好明顯進步咗,今次拍咗5 Take就完成咗。」