網民力量絕對不能「睇小」!有車主的車Cam拍攝到,一名的士司機撞倒後車不顧而去,於是在facebook群組上載影片「緝兇」,揚言「你唔找我,我就報警」。結果引來網民加入「緝兇」行動,不用半小時發現涉事的士司機蹤影,車主最終找到司機,網民更用文字直播雙方見面和解情況,形容「劇情峰迴路轉」。
有網民在facebook群組「小心駕駛(討論別人駕駛態度)」上載車Cam短片,可見其停泊在牛頭角潮語浸信會外的車輛,被前方一架的士倒後時撞倒,的士司機事後不顧而去。由於車Cam清楚拍下的士車牌號碼及司機樣貌特徵,車主在帖文揚言:「你條的士佬,撞完車就走呀,你唔找我,我就報警告你」。
帖文觸發網民加入「緝兇」行動,亦有網民着事主盡快報警。結果在短短半小時內,有網民留言指見到涉事的士司機,並不停更新司機身處位置,實行實時緝兇,讓車主成功找到的士司機。事主後來留言表示已到現場,在場網民隨後更文字直播車主與的士司機見面情況,指兩人「坐低簽緊和解,完畢」。最後再有網民戲言:「唔該晒小駕戰地特派員為我哋嘅現場報道,而家交返去直播室......」
網民力量成功助車主「緝兇」,有網民形容「呢場花生戲好睇過今日場波」、「有史以嚟最精彩嘅假日節目」。另有人留言:「話佢知有幾百人知道佢今朝撞完人哋架車走咗去,好快有警察搵佢!」