阿蕭一講Grace拍接吻戲要倒吊,就知抄星爺啦!
阿蕭一講Grace拍接吻戲要倒吊,就知抄星爺啦!

蕭正楠、陳凱琳(Grace)、湯洛雯、黃智賢等出席無綫劇集《翻生武林》宣傳活動,阿蕭和Grace劇中有接吻戲,阿蕭笑稱Grace有「嘉穎的味道」;Grace亦不甘示弱,笑指阿蕭都有「翠如的味道」。談到這場吻戲,阿蕭說:「其實個畫面好靚,Grace要倒吊,個樣仲要紅粉緋緋,印象好深刻。」Grace謂日前首次睇92年《家有囍事》,才知道劇中不少場口阿蕭都是參考周星馳來演繹的。阿蕭說:「相信好多人嘅喜劇啟蒙老師係星爺,其實唔單止呢套,之前都有向星爺致敬。」 至於劇中亦有不少打鬥場面,再加上拍攝時天氣炎熱,Grace坦言相當辛苦。她說:「當時仲要著皮衫,真係熱到頭暈。試過入化妝間,一起身見頭暈,撼頭埋牆。」至於今日元宵佳節,阿蕭透露要返廠拍劇;Grace就話已相約「少婦聯盟」眾好姊妹食飯。阿蕭笑說:「其實元宵節又唔一定男女愛嘅,男男愛都得,等我今晚搵阿廉(曹永廉)先!」 湯洛雯亦謂元宵節於工作中度過,坦言最近跟男友羅天宇各有各忙,只是少了傾談而已。幸好4月到橫店拍攝新劇《包青天》,男友羅天宇亦會同行,她笑言就當拍拖旅行,因今年都沒有時間。(攝影:朱偉彥)

《翻生武林》宣傳
《翻生武林》宣傳

湯洛雯
湯洛雯