周潤發早前因身在外地未能出席其主演的電影《寒戰2》香港首映禮,返港後發哥昨日專誠與發嫂到戲院排隊買飛睇戲,出錢出力支持電影! 一身招牌行山裝的發哥與發嫂甫現身戲院排隊購票,即獲排在二人前方的影迷認出,影迷當然禁不住大叫:「發哥呀!」在戲中飾演前大法官的發哥在現實中也非常守規矩,即使有市民主動讓他先行購票,他也婉拒並跟足規矩排隊。隨後購票處更因發哥發嫂的現身而出現超長人龍,發哥更一如以往的有求必應,與市民自拍不停,由三歲至八十歲的粉絲都有! 發哥購票後到上一層準備入戲院,但已有不少等候入場的市民將其「重重包圍」,發哥亦把握時間滿足他們要求,更有一名估計已看過《寒戰2》預告片的女士,非常「入戲」的用發哥戲中金句打招呼:「我下半世咩都唔做,剩係招呼你一個。」發哥聞言後也笑言:「吓?剩係招呼我?!」到臨近開場時間發哥眼見仍有很市民要求自拍,他即笑言:「你哋做睇唔睇戲㗎?睇完大家一齊影啦!」 其後發哥順利入場觀看電影,完場後更跟同場觀眾作一個即興的簡單分享會,發哥笑言他的兩位偶像郭富城及梁家輝也演得很好,又大賣關子表示:「應該有第三集,睇下家輝臨尾望住個仔的表情。」此話一出即時全場起哄,紛紛表示要看第三集,又謂一定要有發哥演出等。場內很多觀眾大叫「發哥好有型」等,可見發哥魅力認真驚人!他也笑言:「我嚟睇場戲啫,你哋講埋咁多呢啲嘢,我怕今晚瞓唔著喎!」 其後發哥表示從未試過跟這麼多影迷近距離接觸,一起看電影,感覺非常過癮。他又謂專誠買票入場支持《寒戰2》,要在戲院中欣賞這製作!