飛返蘇格蘭「交人」前,日前喬寶寶最後一次落區派口罩及福袋,寶寶口花花話要左擁右抱老友記,兩人又跟過百歲長者合照,笑言兩人加埋都未夠100歲。
飛返蘇格蘭「交人」前,日前喬寶寶最後一次落區派口罩及福袋,寶寶口花花話要左擁右抱老友記,兩人又跟過百歲長者合照,笑言兩人加埋都未夠100歲。

印度裔藝人喬寶寶鐵定本月尾飛返蘇格蘭「交人」,日前最後一次落區派口罩及福袋,臨別依依,寶寶雖然唔捨得到失眠,但做起善事勁精神爽利,仲口花花撩阿婆,貫徹搞鬼本色。採訪:方騫平

楊玉梅喺《法證IV》中的演技獲讚。
楊玉梅喺《法證IV》中的演技獲讚。
寶寶退租前將租了多年的屋企大清潔先交還,希望身體力行,等業主唔好怕租屋畀南亞人。
寶寶退租前將租了多年的屋企大清潔先交還,希望身體力行,等業主唔好怕租屋畀南亞人。

喬寶寶堅持幫返香港「屋企人」做啲嘢,唔覺得派口罩要攞返個Credit,所以做得輕鬆自在。日前他跟楊玉梅(士多啤梨)去到尖沙咀坊會松柏鄰舍活動中心派口罩及福袋畀長者,之後仲上埋去附近唐樓親自派畀唔方便上落嘅老人家。其間喬寶寶不忘發揮搞笑本色撩阿婆,笑言要抱住「兩件」嚟影合照先!又追問:「你哋鍾唔鍾意食咖哩呀?」又提公公婆婆唔好當豉油係紅酒!還叮囑大家睇多啲喬寶寶,阿公阿婆會身體好,惹來全場歡笑聲。

楊玉梅錯失幾次機會,今次終於可以同金牌監製梅小青合作,所以勁興奮。
楊玉梅錯失幾次機會,今次終於可以同金牌監製梅小青合作,所以勁興奮。
寶寶日內返英國交人,楊玉梅提他喺隔離期要禁慾。
寶寶日內返英國交人,楊玉梅提他喺隔離期要禁慾。

楊玉梅提寶寶禁慾
上到唐樓,寶寶派完福袋又問85歲獨居婆婆:「你記唔記得我呀?印度劉德華呀?」婆婆竟然話唔知,因為她經已91歲,寶寶就搞笑回應:「哈!真係唔似91,我仲以為你得90歲啫。」呢幾日不停有朋友請寶寶食飯餞行,提到英國疫情都好嚴重,喬寶寶飛前緊貼事態發展:「阿囝叫我返到嚟要自我隔離,唔好搵阿媽住,但對住老婆就唔怕。」楊玉梅取笑他要禁慾,提他要同老婆分房瞓,唔淮掂、唔可咀:「嗱!你乖乖地,食『飽』先返去,唔好『餓』住走。」喬寶寶尷尬話:「呢兩個禮拜冇得『行埋』!我都知老婆『餓』咗好耐,疫情關係冇辦法,大家都要隔住口罩錫錫。」士多啤梨又追問他,咁香港「阿3」、「阿4」等點處置,捨得咩?寶寶笑住回答:「印度人一夫一妻制,但女性朋友係唔計!」另外,楊玉梅喺《法證先鋒IV》中飾演虎媽獲讚,連她都睇到心寒,但最開心可以搭到「尾班車」同梅小青合作。