馮允謙承諾唔會自滿,因為一切得來不易,只會心存感恩,亦相當感激鄭秀文和老闆林建岳的鼓勵。
馮允謙承諾唔會自滿,因為一切得來不易,只會心存感恩,亦相當感激鄭秀文和老闆林建岳的鼓勵。

兩年前轉投東亞唱片嘅馮允謙(Jay)雙喜臨門,除推出新碟《Detour》外,年初仲勇奪十大中文金曲的「CASH最佳創作歌手奬」。霉咗近4年,Jay對於絕地反彈覺得好夢幻:「呢隻專輯足足等咗3年零8個月,等到有啲心灰意冷,好彩雨過天青,𠵱家仲得到Sammi鼓勵,信心慢慢返嚟,心情勁興奮。」採訪:方騫平 髮型:Tim Chan@HAiR 化妝:Maggie Lee 服裝:ithk 場地:重慶劉一手火鍋

經理人林珊珊當他好似囝囝,照顧周到。
經理人林珊珊當他好似囝囝,照顧周到。
為影新碟靚相,Jay要不停跳彈床。
為影新碟靚相,Jay要不停跳彈床。

新碟《Detour》主題為「旅程」,Jay之前曾經歷過一段事業低潮期,零工作兼零收入,個人變得好頹,冇晒人生目標:「當時覺得唔知仲會唔會有唱片公司簽我呢?日日唔知為乜咁做創作同健身keep住狀態,慶幸喺低潮時學會編曲,去旅行散心時又創作咗40幾首歌,其中5首收錄喺專輯入面,總算冇白費心機。」Jay坦言見到張實體碟好感動,「尤其有陳詠謙做音樂總監,王菀之有份作曲,仲有好好嘅宣傳團隊,同埋好似屋企人咁錫我嘅經理人林珊珊及老闆林建岳,每首歌都做得好好。」

曾同王祖藍、泳兒、張致恆共事英皇唱片公司。
曾同王祖藍、泳兒、張致恆共事英皇唱片公司。
胡鴻鈞、吳業坤、謝東閔都係當年戰友,𠵱家各有唔錯發展。
胡鴻鈞、吳業坤、謝東閔都係當年戰友,𠵱家各有唔錯發展。

讚好Sammi
之前Jay出席公司飯局,同場有老闆及鄭秀文等,提到Sammi,Jay讚不絕口,「Sammi好關心新一輩歌手,因為我有啲歌唔大路,於是問吓佢意見,佢叫我做返自已version,自然會吸納返知音。難得有機會同Sammi傾偈,感覺好似發緊夢咁,尤其哥哥係佢Fans。我梗係有送碟畀佢啦,希望佢會聽,如果將來有機會度身訂造首好歌畀佢更good,好想寫隻快版情歌畀佢,因為佢跳舞好好睇。」

閒時Jay會行山keep fit加練氣。
閒時Jay會行山keep fit加練氣。