56歲龔姐有仔女,有工開,滿足現狀,唔急於搵第二春。
56歲龔姐有仔女,有工開,滿足現狀,唔急於搵第二春。

繼劇集《牛下女高音》後,56歲龔慈恩喺TVB新劇《大醬園》中跟吳岱融再成為「夫妻」,兩人早年喺《嬴單傳奇》開始結緣,估唔到呢對「夫妻」做足32年,認真有默契。不過,龔姐坦言公私分明,失婚事冇同吳岱融傾訴,就算拍《大》劇期間被傳媒踼爆已離婚,她只會專心拍戲,唔會將私人負面情緒帶入工作中:「我OK嘅,知道應該點做,咁大個人係有啲EQ嘅,我有分寸。」採訪:方騫平 服裝:magazzingroup



《大醬園》席德容跟《牛下女高音》大女人戴甘靜怡好唔同,龔姐可以過足戲癮。
《大醬園》席德容跟《牛下女高音》大女人戴甘靜怡好唔同,龔姐可以過足戲癮。
龔姐於《大醬園》中做大當家夫人,戲份唔少。
龔姐於《大醬園》中做大當家夫人,戲份唔少。

龔慈恩喺TVB新劇《大醬園》中飾演大當家夫人席德容,雖然順從老公,但當家道中落要挺身持家,係個堅毅女人,同《牛下女高音》大女人嘅角色好唔同:「現實版我冇大當家夫人咁有本事,通常我只係follow小朋友(子女) 嘅指令。其實同經營家人、男女朋友關係,要互相了解同遷就,開心唔開心攞出嚟講,一齊面對。」



昔日一家四口溫馨相處已成追憶。
昔日一家四口溫馨相處已成追憶。
龔姐坦言有段日子為咗照顧仔女,忽略咗身邊朋友,𠵱家可尋回「失物」!
龔姐坦言有段日子為咗照顧仔女,忽略咗身邊朋友,𠵱家可尋回「失物」!

快樂最重要

龔姐又形容拍《大醬園》好辛苦,但返嚟TVB感覺好開心。問到係咪寄情工作?她堅持有工作永遠係開心嘅:「以前有段時間主力湊小朋友,忽略咗朋友,𠵱家工作時搵到舊朋友,又識到好多新朋友,咁咪開心囉。啱啱拍《香港愛情故事》入面有句對白好犀利:『咁你就要更加努力令到自己有更多開心嘅時間!』對自己好有提示,人當然有開心唔開心嘅事,不過,喺適當環境下要有適當安排囉,其實呢個年代有冇拍拖,有冇另一半都冇乜所謂,最緊要生活過得自在開心,有自己工作,仲可以選擇同志同道合嘅朋友一齊,有愛錫嘅子女,做人簡單快樂經已好滿足。」