年過40的何倍倩日前以少女Look買餸。
年過40的何倍倩日前以少女Look買餸。

事實證明唔使「中女三寶」都可以Keep得好好!講緊嘅係年過40的「恒生新抱」何倍倩(Anina),事關日前她落中環買餸,僅穿飄逸連身短裙仔晒腿又晒心口,其間仲買咗杯凍咖啡一邊啜一邊逛。而去年創辦健康App的Anina一向都食得好健康,當日亦主攻蔬菜、雞肉和魚,難怪成為3子女之母仍保養得宜啦!採訪:李權威

在十幾度氣溫下,何倍倩僅穿飄逸連身短裙加外套仔,仲要啜凍咖啡,犀利!
在十幾度氣溫下,何倍倩僅穿飄逸連身短裙加外套仔,仲要啜凍咖啡,犀利!
何倍倩在文青至愛Coffee shop點了一杯40幾蚊的凍咖啡。
何倍倩在文青至愛Coffee shop點了一杯40幾蚊的凍咖啡。

啲人成日話女人唔Keep好易老,年過30出街就必備「中女三寶」,即是頸巾、暖水和潤手霜,不過日前下午3點,已經4字頭的名媛何倍倩獨自現身中環IFC,其手袋裏有冇Hand cream就不得而知,但見她於10幾度微涼氣溫下,仍穿上鮮黃色連身裙襯短Jacket,不單止露出一雙幼腿,上身仲攤大個心口出嚟,唔知以為夏天,真係睇見都凍到打冷震!

等待期間,何倍倩見悶便跟老友講電話Kill time。
等待期間,何倍倩見悶便跟老友講電話Kill time。
何倍倩Keep得好是有原因的,答案就是多吃蔬菜及含高蛋白質的食物。
何倍倩Keep得好是有原因的,答案就是多吃蔬菜及含高蛋白質的食物。

Fit爆之謎
沒有頸巾褸住都算,一身少女Look的Anina仲走去光顧文青至愛的%Arabica,她於收銀處點完一杯咖啡後,便拎住張飛仔企埋一邊等一個人咖啡,其間悶悶哋咪同朋友WhatsApp吹吓水囉,結果發現原來Anina叫咗杯凍咖啡,真係完全破晒戒!之後,Anina好悠閒地挽住個手袋,一邊啜住行去city'super買餸,見她在冷藏食物區,揀了一堆三文魚、番茄仔、菜,仲有雞翼、雞蛋和鹹蛋等,大部分都含豐富蛋白質,未知這是否Anina Keep得咁Fit的秘訣呢?最後,她抽住一袋二袋等到司機來到便上車離開。

貴婦果然好「他條」,何倍倩一邊啜咖啡一邊推住架車仔買餸。
貴婦果然好「他條」,何倍倩一邊啜咖啡一邊推住架車仔買餸。
已是3子女之母的何倍倩,無論身材及外貌都保養得宜,十足少女一樣!
已是3子女之母的何倍倩,無論身材及外貌都保養得宜,十足少女一樣!
何倍倩不單止樣靚身材正,仲博學多才,早前她修讀完碩士再讀博士。
何倍倩不單止樣靚身材正,仲博學多才,早前她修讀完碩士再讀博士。