因為之前好愛好愛,好多嘢都可以視而不見,一家三口好幸福。
因為之前好愛好愛,好多嘢都可以視而不見,一家三口好幸福。

爭少少做到大明星的Nicole(Scarlett Johansson飾)用咗兩秒就愛上好有才華的導演Charlie(Adam Driver飾),她為他離開洛杉磯留在紐約轉投劇場界,婚後誕下一子,男的覺得婚姻就是這樣,女的覺得婚姻不應這樣,女的提出改變男的不接納,還被女方發現曾出軌,感情逐漸變質,離婚是最後一步。好記得戲中一句對白:「刑事律師會看到壞人最好的一面,離婚律師會看到好人最壞的一面。」睇完長嘆咗一口氣,個心有啲痛。(Netflix已上架)撰文:廖思慧

Nicole一直負責幫老公同個仔剪頭髮,自己就對住鏡自剪,分居後,男的要自己搞掂。
Nicole一直負責幫老公同個仔剪頭髮,自己就對住鏡自剪,分居後,男的要自己搞掂。
兩人本來想私下解決,但為爭囝囝監護權最終要法庭見,雙方律師互揭兩公婆陰暗面,好醜惡。
兩人本來想私下解決,但為爭囝囝監護權最終要法庭見,雙方律師互揭兩公婆陰暗面,好醜惡。

電影獲本屆金球獎6項提名,包括戲劇組最佳電影、最佳男、女主角、女配角、最佳原創音樂及最佳原創劇本,是本屆獲提名最多的電影。導演Noah Baumbach以一單離婚事件探討婚姻及愛情,故事描述一對夫妻決定離婚,原想好聚好散,但為了爭取兒子的監護權而對薄公堂。劇本相當出色,細眉細眼小節位尤其厲害,群戲亦非常精彩,敢肯定可橫掃所有最佳原創劇本獎項。

不能一起不代表不愛你
Nicole因為想改變平凡生活決定返洛杉磯發展,然後同Charlie商量,才子老公先Hea答後不願面對,強調工作重心在紐約,離婚是唯一出路。「所有的問題,其實一開始就發生了,只是我們那時正在熱戀。」Nicole一矢中的。男女主角在戲中有多場對談,從談話內容你可以知道兩人的心路歷程發展,你以為女方自私為自己?其實女方結婚前最早作出讓步。一場近十分鐘的撕心肺裂鬧交戲係我睇過最精彩及最痛心嘅鬧交戲,曾經深愛嘅人互相說着傷害大家嘅說話,務求要你有咁難堪得咁難堪,為咩?為啖氣囉。

我個怪雞偶像Adam Driver演技升咗十幾級,多幕睇到歎晒氣,佢一喊我就跟住喊,結局好心酸。

Nicole同Charlie傾唔埋,兩人不停舌劍唇槍,一直呈強嘅前者行埋一邊即喊。
Nicole同Charlie傾唔埋,兩人不停舌劍唇槍,一直呈強嘅前者行埋一邊即喊。
兩人長達十分鐘嘅問候全家咒你死鬧交後筋疲力盡,呢幕睇到好傷心,有種被掏空嘅感覺。
兩人長達十分鐘嘅問候全家咒你死鬧交後筋疲力盡,呢幕睇到好傷心,有種被掏空嘅感覺。

Charlie返回紐約跟劇團人去酒吧唱歌,獨唱一幕非常陰功。
Charlie返回紐約跟劇團人去酒吧唱歌,獨唱一幕非常陰功。
Charlie唔想搬去洛杉磯,Nicole覺得對方唔遵守婚前承諾,兩人開始無傾偈。
Charlie唔想搬去洛杉磯,Nicole覺得對方唔遵守婚前承諾,兩人開始無傾偈。