陳智燊夫婦傳做網紅後月入40萬,日前二人則現身名店旋風式掃走五萬元皮鞋和袋。
陳智燊夫婦傳做網紅後月入40萬,日前二人則現身名店旋風式掃走五萬元皮鞋和袋。

以前就話大樹好遮蔭,今時今日咁多平台可以宣傳同搵食,出去闖更易賺到錢!有辦你睇,在無綫打滾12年的陳智燊(Jason)去年滿約後,便跟太太宋熙年(Sarah)一齊向外闖,結果成功轉型做YouTuber兼接司儀Job,有傳兩公婆各自月入20萬,辛苦賺埋咁多,加上Jason生日,當然要買嘢獎勵自己啦。上周一,陳氏夫婦去Landmark行名店,獲著名皮具品牌店員以貴賓式招待,全程傍實服侍周到,兩人在店內掃皮鞋,最後Jason旋風式入手多雙數千元靚鞋,三萬無走雞,認真豪氣!採訪:李權威

宋熙年(左)和陳智燊一見到記者即親切地打招呼。
宋熙年(左)和陳智燊一見到記者即親切地打招呼。
陳智燊在名店內揀皮鞋。
陳智燊在名店內揀皮鞋。

去年離巢後,陳智燊便跟太太宋熙年合辦YouTube Channel,拍片分享一家三口的生活趣事,成功吸引大批網民Follow,至今累積11.6萬 Subscribers,仲獲不少廣告商青睞邀合作,再加上外面接落的司儀Job,據傳兩夫婦平均每月都各自袋15至20萬,收入較之前在TVB更高!既然搵到錢,自然要周圍揈吓啦,明天(12日)便42歲牛一的Jason,日前就跟Sarah去馬爾代夫提早慶生,去完旅行都未夠,兩公婆再去行名店大手筆入貨!

撇低囝囝行街
當日下午4時許,Jason和Sarah撇低兒子Damon,拍住拖到置地廣場行街街,身穿黑色長袖Tee襯淺牛、踢住對波鞋的Jason,未「出發」已經滿手「戰利品」,他抽住一個大紙袋再拖住個大篋,乖乖哋站在一旁等老婆講電話,未幾Sarah便發現記者行蹤,於是即刻露出Nice爆笑容兼揮手Say Hello,Jason見狀亦擰轉頭向記者報以微笑。兩人入到名店即先行一個圈,該品牌最出名是手工製的男裝休閒鞋,一對閒閒哋都要3、4千蚊,綁帶皮鞋款更索價6千幾!不過賺到大錢果然係闊綽啲,升呢「至搶手星級KOL」的Jason神速睇中咗對經典懶佬鞋,攞上手Feel完個真皮質感後,隨即叫職員拎Size試試。

最後陳氏夫婦用20分鐘掃走兩大袋戰利品,陳智燊(左)更獨力拎晒所有嘢。
最後陳氏夫婦用20分鐘掃走兩大袋戰利品,陳智燊(左)更獨力拎晒所有嘢。
夫婦倆的YouTube片普遍都「收視率」勁高,好似一條煲湯教學片都超過35萬Views!
夫婦倆的YouTube片普遍都「收視率」勁高,好似一條煲湯教學片都超過35萬Views!

大手筆掃皮鞋
其間Sarah走到樓上的女裝部睇手袋,淨低Jason一支公喺度呆企,惟有搵個女店員搲水吹。過了一陣,Sarah落番男裝部,可能知道自己冷落咗老公,她即刻醒覺上前陪對方揀鞋,最後花了20分鐘,兩公婆便掃了兩大袋皮鞋和袋,話咁快使五萬,可謂滿載而歸!記者問兩人點解買咁多嘢?Jason淨係識得怕醜傻笑兼摸頭,而旁邊的Sarah則笑住答:「係呀,聖誕節吖嘛,咪買番少少禮物畀自己,順道出嚟拍吓拖囉!」

經營約3年的「sarah & jason」YouTube Channel,至今已達11.6萬Follower!
經營約3年的「sarah & jason」YouTube Channel,至今已達11.6萬Follower!
陳智燊去年約滿無綫前最後播出的一套劇集,是跟黃智雯(中)、袁偉豪(右)合拍的《三個女人一個「因」》。
陳智燊去年約滿無綫前最後播出的一套劇集,是跟黃智雯(中)、袁偉豪(右)合拍的《三個女人一個「因」》。
宋熙年主持無綫資訊節目《東張西望》而成功入屋,但今年7月滿約後決定外闖。
宋熙年主持無綫資訊節目《東張西望》而成功入屋,但今年7月滿約後決定外闖。
宋熙年與陳智燊於16年結婚,去年8月誕下兒子 Damon。
宋熙年與陳智燊於16年結婚,去年8月誕下兒子 Damon。
雖然34歲的宋熙年已經做咗媽咪,但仍Keep住一副Fit到漏嘅Body!
雖然34歲的宋熙年已經做咗媽咪,但仍Keep住一副Fit到漏嘅Body!
性感人妻宋熙年不時於社交網大方晒泳照,索呀!
性感人妻宋熙年不時於社交網大方晒泳照,索呀!