陳展鵬着住件拼布外套,單文柔繞住手畀意見,真心着得幾睇,唔知有無買呢?
陳展鵬着住件拼布外套,單文柔繞住手畀意見,真心着得幾睇,唔知有無買呢?

時光倒流返去2017年3月,當時陳展鵬同單文柔被傳媒影到喺山頂摸黑談心,被記者撞破後即揸車走人,當年展鵬否認拍拖,話單文柔幫佢做形象設計,只係請食飯答謝,兩人扭扭擰擰到7月先至認戀情。然後兩人去年10月結婚,今年4月誕下女兒陳諾瑤(小豬比)。講咁多嘢想帶出原來單文柔真係識形象設計,上周二傍晚6點,陳生陳太去咗銅鑼灣百德新街Shopping,全程陳太發號施令,試呢件同試嗰件,陳展鵬好乖,聽晒老婆話,逐件拼埋鏡照,未着上身都Feel到型咗好多,陳太好嘢。採訪:梁志明

睇住陳太揀衫都大約知道佢喜好,就係Colourful ,例如呢件好多顏色嘅衛衣。
睇住陳太揀衫都大約知道佢喜好,就係Colourful ,例如呢件好多顏色嘅衛衣。
趕咗幾個月劇嘅陳展鵬終於放假,可以同老婆行吓街。
趕咗幾個月劇嘅陳展鵬終於放假,可以同老婆行吓街。

42歲嘅陳展鵬有女萬事足,喺社交平台經常貼7個月大囡囡陳諾瑤(小豬比)嘅得意相,網友狂讚佢亦樂此不疲貼完又貼。有個得意囡囡好滿足,有個對形象設計好有心得嘅老婆當然唔好浪費。

陳展鵬係咁換衫
當日下畫6點,陳氏夫婦喺百德新街「掃場」,用掃字因為兩公婆連環去咗三間潮店,分別係STUDIOUS TOKYO、Shine同D-mop,全程分工好清楚,陳太負責揀,陳生負責試,睇陳太眼光,唔算好特別,都係後生仔潮嘢,有運動型外套、有帽衛衣同拼布外套,襯牛仔褲同布褲都好睇,加對潮波鞋,咪變型男囉。陳太係咁揀,陳生有一段時間長駐更衣室門口,見佢出出入入多次,可能預知要不斷試衫,所以只簡單穿白Tee方便換衫之餘襯乜都唔會出錯。

陳太試到恰眼瞓
陳生搭住老婆膊頭,掃完一間再去一間,動作都係重覆又重覆,陳太搵衫再畀陳生試,但可能陳生試到好攰,之後索性拎件衫拼上身照鏡就算,兩人行咗兩個半鐘頭,陳太戰鬥力開始減弱,見佢打晒喊露,眼神散亂,感覺佢好想走,之後俾佢發現有鍋釘小背囊,見幾得意就孭吓,一孭即回魂有返精神,差唔多9點,兩人終於收手唔再試,再行過一條街,將戰利品放上車就離開。

兩公婆行咗兩個半鐘,買咗三大袋嘢。
兩公婆行咗兩個半鐘,買咗三大袋嘢。
睇陳生個樣都知佢試到好攰,所以唔想再入更衣室試,埋鏡拼埋就算。
睇陳生個樣都知佢試到好攰,所以唔想再入更衣室試,埋鏡拼埋就算。

揀衫好花眼力,揀咗兩粒幾鐘嘅陳太都攰嘞,仲係咁放蚊。
揀衫好花眼力,揀咗兩粒幾鐘嘅陳太都攰嘞,仲係咁放蚊。
Shopping初期,陳太好熱心幫老公揀衫,而陳生亦好熱衷地試,所以長駐更衣室門口。
Shopping初期,陳太好熱心幫老公揀衫,而陳生亦好熱衷地試,所以長駐更衣室門口。
喺幫老公揀衫過程中,陳太都睇啱嘢,就係一個好迷你嘅黑色鍋釘小手袋,可以側孭又可以做背囊,容量好細,最多袋兩包紙巾,但陳太好鍾意,應該有入手。
喺幫老公揀衫過程中,陳太都睇啱嘢,就係一個好迷你嘅黑色鍋釘小手袋,可以側孭又可以做背囊,容量好細,最多袋兩包紙巾,但陳太好鍾意,應該有入手。
陳展鵬話老婆單文柔因為湊女而瘦咗好多,所以決定要谷肥太太。
陳展鵬話老婆單文柔因為湊女而瘦咗好多,所以決定要谷肥太太。
陪完老公Shopping,單文柔就孭囡囡去行街,話買聖誕裝飾喎。
陪完老公Shopping,單文柔就孭囡囡去行街,話買聖誕裝飾喎。