負責攞嘢
丹爺等太太畀完錢,佢就負責做阿四攞嘢。
負責攞嘢 丹爺等太太畀完錢,佢就負責做阿四攞嘢。

「宇宙最強」甄子丹除咗打得,仲出晒名錫老婆汪詩詩,二人結婚16年依然恩愛,皆因丹爺講過乜都畀晒老婆,絕對係百分百嘅「愛妻號」。雖然佢拍親戲啲片酬都億億聲,但56歲的丹爺上周三(11月27日)宣布拍埋《葉問4》就「收山」唔再拍功夫片,似乎想留多啲時間陪老婆仔女。日前Free番好多嘅丹爺,一身街坊look陪素顏太太詩詩到中環行超市。見他跟住老婆去揀好多食品,兩人又商量買咩調味料,短短半個鐘手推車兩個籃Full晒。之後負責查數嘅詩詩畀完錢,丹爺就醒目地用手推車將三大袋食品推落樓下攞上座駕,全程親力親為,搞掂晒再拖住愛妻到四季酒店撐枱腳。見詩詩食飯時笑得好甜,就知呢個「阿四」有幾成功啦!採訪:張詠森

跟得老公
丹爺全程做跟得老公好Enjoy。
跟得老公 丹爺全程做跟得老公好Enjoy。
試完即買
丹爺試食Nuts津津有味,即買兩包。
試完即買 丹爺試食Nuts津津有味,即買兩包。


丹爺為咗頭家多年來搏到盡拍戲,最威水係飾演「葉問」呢個角色,10年前拍完第一集勁受歡迎,到10年後拍到《葉問4》居然仲有捧場客,難怪丹爺都話要多謝大家咁多年嘅支持。不過他覺得見好就要收,上周三(11月27日)為本月上映的《葉問4》出席宣傳活動時,他坦言今集唔單只係《葉問》系列嘅最後一集,亦都係佢最後一套功夫片,他解釋:「拍咗咁多電影,功夫片差唔多喇,《葉問4:完結篇》作為我嘅最後功夫片,希望可以寫下寶貴嘅一頁。」其實有咁嘅決定,唔多唔少都係為咗老婆同仔女,因詩詩曾嘆老公拍戲唔定時,連假期都冇得預,通常要到last minute先知道,加上丹爺都56歲,係時間要享受人生,留多啲時間陪屋企人。

試完即買
丹爺試食Nuts津津有味,即買兩包。
試完即買 丹爺試食Nuts津津有味,即買兩包。
親力親為
丹爺親自推車將三袋食品推到樓下,仲拎埋上車,全程唔使司機同家傭幫手。
親力親為 丹爺親自推車將三袋食品推到樓下,仲拎埋上車,全程唔使司機同家傭幫手。


店員讚Fit
日前就見丹爺一身街坊look陪住太太詩詩偕家傭姐姐到中環ifc的Citysuper掃貨,只見他們一入內先揀蔬菜生果,然後再去買凍肉和奶品等。跟住又去買麵和買米,佢哋買得最開心應該係調味料,因為佢哋會互相畀意見,看來兩公婆都鍾意玩吓煮飯仔。後尾他們分開再睇下有冇漏網之魚,只見丹爺好鍾意食Nuts,見到有得試食,佢都唔執輸,仲食到津津有味,試完後就買咗兩包,絕對係上等人,最後仲買了支酒。雖然丹爺戴帽又戴黑超極低調,但點會冇人認得「宇宙最強」呢?其間有些店員姐姐大讚:「佢真人都幾Fit喎!」

老婆滿意
買咗大約半個鐘,一架手推車兩個籃載到滿滿的,跟住佢Join番老婆去排隊畀錢。只見詩詩負責找數,丹爺就同工人姐姐將食品放入環保袋,足足放滿三大個咁多。之後丹爺用手推車載住三大袋食品推落樓下攞上座駕,全程親力親為,十分貼地,難得丹爺唔介意做阿四,而詩詩就舒舒服服在旁等候。丹爺搞掂晒就輕輕鬆鬆拖住老婆去隔離嘅四季酒店食Lunch,見詩詩坐低後笑得好甜,似乎好滿意老公嘅表現,超開心!

親力親為
丹爺親自推車將三袋食品推到樓下,仲拎埋上車,全程唔使司機同家傭幫手。
親力親為 丹爺親自推車將三袋食品推到樓下,仲拎埋上車,全程唔使司機同家傭幫手。
一家和睦
丹爺一家四口感情好好,連他與前妻所生的大仔Jeff,亦不時參與家庭聚會。
一家和睦 丹爺一家四口感情好好,連他與前妻所生的大仔Jeff,亦不時參與家庭聚會。
模範夫妻
丹爺同詩詩結婚16年,一直都好恩愛。
模範夫妻 丹爺同詩詩結婚16年,一直都好恩愛。
最後一擊
《葉問4》即將在下月20日上映,可欣賞丹爺最後一部功夫戲。
最後一擊 《葉問4》即將在下月20日上映,可欣賞丹爺最後一部功夫戲。