車婉婉邊撳電話邊排隊買麵包。
車婉婉邊撳電話邊排隊買麵包。

17年3月,當年42歲嘅車婉婉誕下囝囝Justus Quinlan(乳名BBQ),囝囝生得又白又滑又肥嘟嘟,非常得意,所以佢好多Fans,全靠婉婉喺ig以「高齡日誌」分享湊仔點滴,BBQ食過乜着過乜邊度流過血,一撳佢ig就一清二楚。從而知道BBQ好鍾意食嘢,食量仲非常之厲害,所以就嚟三歲嘅人仔非常高大同壯健。日前下晝三點,婉婉喺銅鑼灣做完嘢再去崇光超市買麵包,麵包盤放滿晒,囝囝有排食。採訪:梁志明

婉婉揀麵包唔太耐,好快有心水。
婉婉揀麵包唔太耐,好快有心水。
買完麵包,婉婉行去搭小巴,44歲但條腿依然好吸引。
買完麵包,婉婉行去搭小巴,44歲但條腿依然好吸引。

有啲星媽星爸好低調,唔想仔女個樣曝光,有啲就好鍾意同人分享仔女嘅成長趣事,好似coffee啦,李璨琛老婆啦,同埋車婉婉,老實講幾好睇嘅,好似婉婉會post好多囝囝嘅第一次,第一次去海洋公園,第一次坐纜車,第一次腳趾受傷咁,睇得多好似同BBQ好熟咁,感覺好得意。

BBQ鍾意食包
當日下畫三點,發現着住長身外套露長腿嘅婉婉喺便利店增值,然後去崇光超市買麵包,排隊畀錢條龍好長,但婉婉依然繼續買,見佢揀咗5分鐘,買咗一盤麵包,內有小蛋糕,有餡同無餡嘅麵包仔,仲有一袋六件嘅小麵包,全部細細件,啱晒BBQ一手拎住慢慢咬。揀包5分鐘,排隊畀錢10分鐘,買完就行去百德新街搭小巴返寶馬山寓所。

婉婉增完值就行去買麵包。
婉婉增完值就行去買麵包。
買完麵包,婉婉行去搭小巴,44歲但條腿依然好吸引。
買完麵包,婉婉行去搭小巴,44歲但條腿依然好吸引。

婉婉有份做《牛下女高音》,之前跟同劇演員出席祝捷晚宴。
婉婉有份做《牛下女高音》,之前跟同劇演員出席祝捷晚宴。
婉婉趁囝囝開學前帶佢去海洋公園玩,第一次坐纜車嘅BBQ完全唔驚。
婉婉趁囝囝開學前帶佢去海洋公園玩,第一次坐纜車嘅BBQ完全唔驚。