細細粒上繩好吃力,更跌落當場。
細細粒上繩好吃力,更跌落當場。

細細粒(陳嘉佳)早前為響應「邁向2025:香港非傳染病防控策略及行動計劃」,拍攝了一條健康教育宣傳短片,鼓勵大家養成健康的生活習慣之餘,並希望能糾正坊間流傳的眾多飲食謬誤。

為了令宣傳片更添趣味,細細粒罕有地穿上運動服,在鏡頭面前大玩瑜伽。為免在鏡頭前表現太過丟臉,細細粒特意抽時間進行「事前特訓」。雖然細細粒自誇有高溫瑜伽經驗,不過現場所見,她的軟柔度認真麻麻,彎腰動作尤其僵硬,她每做完一個簡單動作,亦必然辛苦得滿頭大汗、臉容扭曲。

不過滿身汗水及酸痛並未有擊退細細粒潛藏的「好動因子」,之後她再「越級挑戰」空中瑜伽。由於她有點「份量」,以至上繩動作做得相當吃力,期間細細粒更多番露出超級誇張的「痛苦」及「驚嚇」表情,令全場工作人員笑破肚皮。


事後細細粒笑言雖然只是短短個多小時,但卻對空中瑜伽上了癮,並笑謂這次拍攝啟發了她以後要做多點運動:「我係同營養師一齊拍呢條片,所以休息時我請教咗佢好多關於健康嘅問題,佢話做運動真係好大幫助,而且最好一星期做至少3次運動。但大家都知我重磅架啦,做太激烈嘅運動或者跑太耐步可能對我膝頭哥唔係咁好,所以營養師就建議我做多啲瑜伽,除咗可以訓練呼吸嘅協調、平衡力同柔軟度之外,有啲動作仲可以舒緩好多勞損性嘅痛楚。」

細細粒又大爆之前未有堅持做高溫瑜伽的原因:「因為之前上堂我覺得好舒服,有幾次都做做吓瞓著咗,感覺好似好浪費咁,所以冇再去喇。」