56歲的龔姐外型keep得好,雖然冇打算搵第二春,但搵對象一定唔難。
56歲的龔姐外型keep得好,雖然冇打算搵第二春,但搵對象一定唔難。

龔慈恩最近跟吳岱融在《牛下女高音》中第N次合演夫妻,不過今次龔姐發惡做個強勢老婆,搞到岱融哥都怕怕,她坦言自己在港劇少有這種演出幾有新鮮感。不過她強調現實自己並不強勢,跟前夫林煒離婚只因聚少離多,感情轉淡,大家都適應沒有對方在身邊生活,而現階段她也不心急覓第二春,一切順其自然。撰文:杜淑霞 攝影:李維隆

《牛下》中岱融哥對住龔姐個鵪鶉樣,相當搞笑。
《牛下》中岱融哥對住龔姐個鵪鶉樣,相當搞笑。
龔姐話今次難得跟大班資深演員開工,大家有傾有講特別開心。
龔姐話今次難得跟大班資深演員開工,大家有傾有講特別開心。


龔姐和岱融哥早於88年TVB劇集《嬴單傳奇》中合演夫妻,往後經常演一對,連龔姐都數唔清兩人合演過幾次,「最近除咗呢套仲有《飛虎之潛行極戰》、未播嘅《大醬園》,之前喺其地地方嘅劇集都試過,真係合作咗好多次,起碼有七、八次啦!」不過今次最特別是龔姐比較強勢,「香港嘅劇我比較少做呢類角色,反而台灣劇都有試過這種角色,對香港觀眾應該幾新鮮。」

龔姐跟台灣演員林煒99年結婚,早前兩人承認已分居兩年並辦理離婚。
龔姐跟台灣演員林煒99年結婚,早前兩人承認已分居兩年並辦理離婚。
龔姐謂19歲囡囡愷鈴和16歲囝囝卓毅,早已接受父母分開。
龔姐謂19歲囡囡愷鈴和16歲囝囝卓毅,早已接受父母分開。

想搵個旅遊伴
講到現實生活是否一樣是強勢老婆,龔姐就澄清現實並不強勢,「我絕對唔係強勢,其實今次角色都係一樣,只係個事業型嘅女性,個人比較獨立,因為我老公好多時唔喺身邊,好多仔女嘅嘢都要幫手安排。」提到前夫林煒,龔姐亦大方公開離婚原因,「我哋婚後都成日分開,後尾佢爸爸病咗,再到我爸爸身體出問題,阿囡又開始入學,決定返香港定居,但佢啲工作多數喺台灣,我哋長期分開生活,大家聚少離多,感情慢慢轉淡,所以仔女早已經接受呢個情況。」龔姐仲坦承會祝福林煒有第二春,但問到她會否覓第二春時,她強調一切順其自然,「上次話叫岱融幫我搵男朋友係講笑啫!我真係冇諗,順其自然啦!我都想搵個伴,但只係陪我去旅行嘅伴啫!男女朋友都得嘅,我仲有好多地方想去見識,依家仔女都大個,我自己仲有好多嘢想做。」龔姐話囝囝林卓毅已到加拿大升學,亦預了囡囡林愷鈴將來拍拖,不過自己也不愁寂寞。

早前林煒被影到與精品品牌創辦人劉灼梅當街攬啜,繼而公開戀情並宣布已跟龔姐離婚。
早前林煒被影到與精品品牌創辦人劉灼梅當街攬啜,繼而公開戀情並宣布已跟龔姐離婚。
去年的《飛虎之潛行極戰》龔姐和岱融哥都係做夫妻。
去年的《飛虎之潛行極戰》龔姐和岱融哥都係做夫妻。