林青霞開心慶祝65歲生日。
林青霞開心慶祝65歲生日。

本周日係大美人林青霞嘅65歲生日,一向好多朋友嘅壽星女同一班老友慶生,生日會出席者有施南生及資深傳媒人汪曼玲等。汪前輩尋晚喺微博分享生日會相片,搽咗紅唇又着咗紅鞋嘅林大美人非常風騷,手舞足蹈非常活潑。

汪曼玲透露青霞今年無大肆慶祝,只係同家人及朋友食飯同切生日蛋糕。問到生日願望,青霞話:「每一年的生日都是我最好的年齡,最快樂的時候。」